Homber di 19 aña asesina cerca di tanki na Savaneta
ORANJESTAD - Awenochi pa mas o menos 8:08pm, central di polis a haya informacion cu bisiñanan a tende un tiro y despues gritonan fuerte den vecindario di e tanki di Savaneta. Bisiñanan mes a bay tira un bista y a haya un homber cu herida di tiro. Central di Polis a despacha diferente unidad hunto cu ambulance cu maximo urgencia na e sitio di sucedido.
Na yegada di polis e victima a conta autoridad cu tres hende den un auto modelo Mark X color blanco a hink'e den auto y despues a tir'e. E victima na su turno a bula for di auto pa sali for di e situacion peligroso cu e tabata aden.
E victima a conta tur locual cu a pasa y asta e informacion di e sospechoso cu a tire.
Ambulance a yega na e sitio pa asina stablisa e victima cu tabata seriamente herida y a transporte cu maximo urgencia pa Hospital. E victima su situacion tabata hopi critico.
Algun minuut despues den un forma tactico y liher polis a pone man riba e sospechoso di fam W. na altura di SPO na Mabon, San Nicolaas.
Un rato despues ta drenta e tristo noticia cu pa 9:07pm dokter Duyzer ta constata fayecemento di e homber Eddy Rincon Bravo naci na Colombia dia 11 juni 2003.
Cuerpo Policial Aruba ta manda palabra di condolencia na e famia di e fayecido.
E caso serio aki ta bou investigacion pa departamento di recherche di San Nicolaas kende conhuntamente cu polis technico lo mester bay investiga e caso aki.
Mester menciona cu esaki ta di dos asesinato pa aña 2022. E prome a tuma lugar na Zeewijk y awor serca di tanki di Savaneta.
Control di trafico a produci 3 detencion
KPA: Menos detencion durante parada di mucha
KPA: Por reserva lugar pa wak parada di mucha di diadomingo, for di diasabra
MACUARIMA - Cuerpo Policial a informa cu pa e parada di mucha di Oranjestad diadomingo 5 februari 2023, publico por pone stoel y banki diasabra 4 februari 2023 despues di 12or di merdia. Cuerpo Policial a tuma nota cu na varios caminda riba e ruta tin stoel, banki, cabuya etc poni caba. Esnan cu a pone esakinan pasa kitanan mas pronto posibel. Polis lo cuminsa controla y lo kita esakinan.
Parada di Blaas na San Nicolas tabatin 2 detencion
SAN NICOLAS - Diadomingo 2or di atardi Cuerpo Policial conhuntamente cu S.M.A.C. a haci inicio di e Parada di Blaas na San Nicolas. E parada a conta cu 3 grupo di mucha cu 1500 participante. Cuerpo Policial tabata tin 100 polis riba pia . Esaki consistiendo di e parti uniforma , recherche , ME,AE, planologie y e parti administrativo . Pa 5.55 e cabez di e parada a jega Joe Laveist y pa 6:15 e ultimo grupo a yega e final. E aña aki nos a conta cu 2 detencion. Aña 2020 e Parada di Blaas a conta cu 0 detencion.
Wardacosta, Polis y Guarda nos Costa controlna riba lama durante Boat Fest
Cuerpo policial Aruba ta cla pa ricibi su Mahestad Rey Willem Alexander
Follow NoticiaCla
