Wingo ta aumenta 12% mas buelo for di Colombia incluyendo pa Aruba den 2023

BOGOTA – E aeroliña Colombiano Wingo a anuncia ampliacion di su itinerario te cu 28 di October 2023 (otro aña), unda cu a pone 1.3 miyon stoel extra disponible, cu ta inclui e ruta di Aruba tambe. Fuera di e ruta di Aruba, ta inclui tambe e ciudad diPanama, Guayaquil, Punta Cana, Santo Domingo, Cancun, La Havana y San Josede Costa Rica. No ta prome biaha si cu Wingo ta aumenta su capacidad pa Aruba desde cu e la cuminsa bula pa nos isla. 

RUTA NOBO

E aumento total ta yega 12% si compare cu e capacidad actual di e aeroliña. Na tur, Wingo lo ofrece cerca di  7 mil buelo nobo distribui riba 33 ruta cu actualmente ta opera den mas di 20 destinacion den America Latina y Aruba. Cuanto buelo extra exacto pa Aruba esaki lo ta, no ta conoci ainda si.