ATIA: Un medida nobo banda di BBO lo por kibra hopi compania chikito

ATIA: Un medida nobo banda di BBO lo por kibra hopi compania chikito

Posted on 11/21/2022 10:14 am AST | Updated on 11/21/2022 10:15 am AST

ORANJESTAD – Un di e medidanan cu lo bin na vigor hunto cu e subida di BBO, lo ta un “salario ficticio” cu un maximo di Afl. 100,000 pa aña pa tur “Director Accionista Mayoritario” (DAM) (“Directeur Grootaandeelhouder”), cu nan compania tin benta (“omzet”) di mas cu Afl. 200,000 pa aña. Asina e gremio comercial ATIA ta recorda dialuna. 

“Pa cuminsa nos mester bisa cu e analises aki ta basa riba informacion cu ATIA a haya como stakeholder den reunionnan cu Departamento di Impuesto (DIMP) y e annuncio oficial Minister di Finanza y Cultura (MinFIC mr. Xiomara Maduro)”. E gremio ta sigura cu te dia di 18 november (cu ATIA a traha e articulo aki:Red), ainda no tin un concepto di ley publica unda nos expertonan por analisa esaki. Segun ATIA, tin cu tene na cuenta cu aki 6 siman e ley nobo di BBO ta drenta na vigor. Si tene cuenta cu dianan di fiesta, un comerciante tin menos cu 4 siman pa adapta tur su sistemanan pa acomoda e subida di BBO pa e ta den cumplimento cu tur cambio y requisito nobo. 

DIRECTOR ACCIONISTA MAYORITARIO (DAM)

Na prome luga mester compronde kico un DAM ta. Segun Ley fiscal un DAM ta basicamente: un persona kende directamente of indirectamente ta den posesion di mas cu 25% di accionnan y cu durante e reunion general di e empresa tin derecho pa emiti mas di 25% di voto. 

LEY SIMILAR NA HULANDA Y CORSOW

Paso ATIA no tin e concepto di e ley nobo, unico cos ATIA por spera ta cu Aruba tuma e ehempel manera Hulanda y Corsow cu tin un ley similar. Unda cu empresario cu tin mas cu un compania, mester tuma salario en total di tur su companianan pa yega na e maximo di Afl. 100mil pa aña, y no Afl. 100mil di tur su companianan, paso e efecto lo ta uno desastroso pa comercio y economia paso ta limita e “cash-flow” pa por cumpra stock y inverti pa continuidat di e negoshi!

“ Nos ta spera cu e derecho di DIMP pa ahusta salario di empresario pa uno mas halto, ta hopi limita, pasombra aki ta toka e derecho di libertad di comerciante (‘ondernemersvrijheid’), ora fiscus ta bai stipula e salario di un DAM. Hasta Huez ta limita den e prerogativo aki! Alaves nos ta spera cu DIMP lo procesa tur demanda, cu tin base, pa reduccion di salario bou di e formula di 50% x benta, den menos di 3 siman, mirando cu impuesto di entrada ta un impuesto mensual” ATIA ta sigui bisa. 

ANALISES DI E EFECTO MEDIDA NOBO

Si nos tuma un ehempel simple di un comerciante chikito cu ta bende un producto. Normalmente un comerciante ta cumpra e producto pa Afl. 1, y ta bendele pa Afl. 2, pues 50% di su benta ta bai pa paga e producto original. Si e benta ta Afl. 100mil pa aña, su salario minimo mester ta 50% x Afl. 100mil = Afl. 50mil. Nos ta ilustrele como lo siguiente:

“Kico nos kier ilustra cu e ehempel aki ta, cu si impone un salario ficticio di 50% di benta te un maximo salario di Afl. 100mil pa aña, un empresario chikito no lo keda cu entrada pa paga lo siguiente: empleado(nan), huur, fianza, utilidad, etc.” ATIA ta sigui splica. Segun e gremio, mester tuma nota tambe cu GoA focus riba salario y impuesto pero no ta tuma den consideracion cu pa un salario di Afl. 100mil, un empresario tin cu paga prima social di Afl. 22.100 pa aña, asina hisando su gastonan aun mas. GoA ta forsa e empresario den peridida, cual maneho lo ta desastroso pa nos economia!

Kico un empresario lo mester hasi pa cubri e gasto nan aki ta hisa su benta, paso e no por baha su gasto. Unico manera con pa hisa benta ta pa subi prijs di su producto, y si e no hasi esaki, e empresario ta core un riesgo pa bai bancarota. Hisando su prijs, ta crea inflacion cual ta subi costo di bida, pero tambe ta hasiele menos competitivo! Ademas, si un empresario no tin ganashi, e no mester paga impuesto riba ganashi di 22%, ni impuesto di dividendo (25%, temporalmente reduci na 10% te cu 2023), pues aki Gobierno lo tin menos entrada. Unico excepcion cu por a tuma nota di dje ta pa “start-ups”, pero no ta elabora ki tipo di compania ta wordo considera como un “start-up”, ni con esei ta hinca den otro.  

ATIA ta keda cu speranza cu Gobierno y Departamento di Impuesto lo sigui traha riba e reforma fiscal den un manera balansa pa nos isla keda uno competitivo den nos region. Y cu e introduction di e medida di DAM aki, pa hasiele den un manera cu lo stimula comercio pa habri mas compania, y asina engrandece nos economia, locual lo garantisa mas empleo, mas placa den caha di Gobierno y un mihor futuro pa tur ciudadona di nos dushi isla Aruba.

  • Wever: Prijs pa dozijn di webo produci localmente ta conoce aumento

    Wever: Prijs pa dozijn di webo produci localmente ta conoce aumento

    ORANJESTAD – Departamento di Asuntonan Economico, Comercio y Industria a base di informacion ricibi manera facturanan di importacion y gastonan relata na producion di webonan local a analisa y calcula e prijs nobo pa webo local, cu lo bira Afl. 6,65 pa un dozijn. Un aumento di Afl.1,02 pa dozijn. Asina e minister di economia a anuncia diamars, 6 di December. Mientrastanto Ee prijs nobo a drenta na vigor 5 december 2022, esta un dia prome.

  • Awe Lotto tin ganador garantisa cu rolldown di Lotto di Dia

    Awe Lotto tin ganador garantisa cu rolldown di Lotto di Dia
  • ATA ta sigui inverti den mehoracion y desaroyo di playa, hende y seguridad di Aruba

    ATA ta sigui inverti den mehoracion y desaroyo di playa, hende y seguridad di Aruba

    ORANJESTAD - Como parti di A.T.A. su tarea di mercadea y maneha Aruba como destino turistico, tin diferente proyecto cu A.T.A. ta inverti aden. Ta trata aki di proyectonan tanto di mehoracion di producto como tambe proyectonan di desaroyo di producto. E proyectonan aki ta alinea cu e maneho nacional di turismo. Asina por bisa cu 90% di e gastonan di A.T.A. ta bay na mercadeo y di esaki entre 5% y 10% ta bay na nos producto turistico y e restante ta bay na mercadeo internacional.

  • Trahadornan di El Gaucho a protesta pa un ora

    Trahadornan di El Gaucho a protesta pa un ora

    ORANJESTAD - Awe, 5 di December 2022 pa 6or di atardi, sindicato FTA a yama un accion di protesta na El Gaucho Restaurant. Motibo di e protesta ta cu desde cu FTA a gana e referendum pa representa e personal na fin di Mei di e aña aki, no ta ricibiendo cooperacion di e empresa pa cu negociacion di un Contrato Colectivo di Trabao (CAO).

  • VRPA: Ta sostene pa aplica room tax pa tur vacation rentals na Aruba

    VRPA: Ta sostene pa aplica room tax pa tur vacation rentals na Aruba

    ORANJESTAD Vacation Rentals Professionals of Aruba (VRPA) ta sostene pa aplica room tax pa tur vacation rentals. Asina e asociacion   cu a wordo funda na aña 2021 cu e meta pa defende e beneficionan di e industria di Vacation Rental na Aruba ta bisa diabierna. Segun e asociacion, nan ta den combersacion cu diferente stakeholders pa haci inicio na un etapa di colaboracion pa yega hunto na e mihor opcionnan pa profesionalisa e sector pa cumpli cu rekisitonan regulatorio. Ultimamente varios gremio ta pone enfasis riba e deber di vacation rentals pa cumpli cu impuesto, ta hopi importante na remarca cu ora ta papia di mercado di vacation rentals profesional, significa cu tur e companianan aki ta cumpli cu nan impuesto. VRPA ta sostene pa aplica room tax pa tur vacation rentals. VRPA ta den combersacion cu Departamento di Impuesto, AHATA y A.T.A. pa propone miho practicanan den regulacion incluyendo, cobransa, acuerdonan cu AirBnB y VRBO.

  • Aruba tin por lo menos 3 di 23 resort riba lista di Expedia y TripAdvisor pa relahacion pa famia

    Aruba tin por lo menos 3 di 23 resort riba lista di Expedia y TripAdvisor pa relahacion pa famia

    MIAMI – Aruba tin por lo menos 3 di e 23 miho resortnan all inclusive of cu ta ofrece un of otro tipo di servicio all inclusive segun un lista complia pa TripAdvisor y Expedia. Asina e portal di e canal di television mericano Today (di The Today show:red) ta raporta diabierna. E resortnan di Aruba cu a ‘make the list’, ta #5 Riu Palace Aruba, #10 Hilton Aruba Caribbean y #18 Aruba Marriott Stellaris Casino. Segun e lista, e hotelnan aki ta forma parti di e lista di 23 hotel cu ta ‘perfecto pa bo y bo famia’. Sigur un bon propaganda atrobe pa nos isla.   

  • Powered by SETAR