Xander Bogaerts a gana su di 5 Silver Slugger award, e di dos consecutivo

BOSTON – E shortstop veteran di MLB, e arubiano Xander Bogaerts diahuebs a gana su di 5 galardon conoci como e Silver Slugger Award. Esaki ta e premio pa su prestacion den bateo, confirmando su posicion como e miho shortstop ofensivo den liga Americana. Esaki ta e di dos consecutive cu e ta gana, cu un average bati di .307, 15 homerun y 73 careda impulse y un average di ta na base di .377.  E siman aki tambe a bira conoci cu e la opta pa sali di su contracto cu Boston Red Sox, convirtiendo su mes den un agente liber. Tin chens cu Boston mes por firme atrobe, aunke tin hopi speculacion cu e lo por milita den ekiponan manera Atlanta Braves, St Louis Cardinals y hasta New York Yankees.