E drone militar MQ-9 Reaper ta keda mas largu na Corsou

Posted on 11/11/2022 9:14 am AST | Updated on 11/11/2022 9:15 am AST

WILLEMSTAD - E avion die eksplorashon sin tripulashon, osea e drone MQ-9 Reaper ta keda desplegabel te 1 di yüli otro aña, desde Aeropuerto Hato na Kòrsou. Esaki ta sosedé pa prepará personal di Forsanan Aéreo pa tareanan aun mas pisá i operashonnan ekstenso. Sekretario di Estado Christophe van der Maat durante un bishita na Region Karibe Hulandes a duna esaki di konosé.

3 di e 4 aparatonan ku a kumpra, ta na Kòrsou desde kuminsamentu di e aña aki. Un destakamentu di 40 persona a kuminsá ku e asina yamá fase di tèst i evaluashon. Sigun plan esaki ta terminá medio desèmber. Despues e staf ta sigui traha na e disponibilidat operashonal.

E kondishonnan faborabel di wer i e disponibilidat di espasio aèreo tabata motibu pa hasi mas prueba ku e sistema sin tripulashon riba e isla. Ademas e aparato ta kolekshoná tur informashon komo sosten di e organisashonnan (militar) den Region Karibe Hulandes. 

Van der Maat: “Tremendo ku MQ-9 Reaper lo por keda desplegá pa 6 luna mas largu, pa sostené e Komando di Forsanan Naval region Karibe i Wardakosta region Karibe.  Personalmente mi a eksperenshá kon imprtante e aparato ta akinan, ku su kapasidat di sensor, pa entre otro e lucha kontra kriminalidat organisá. Periodonan ku a pasa koleganan di Forsanan aéreo a test e avion ekstensamente. Ta bon ku e 6 lunanan benidero nan por sigui ku nan treinen.”

Base Aéreo Leeuwarden ta risibí medio desèmber e di kuater aparato i 2 asina yamá (Ground Control Stations) Stashonnan di kontrol riba tera. Eseinan ta komparabel ku cockpit, pero e ora ei na tera. E avion por lo pronto ta keda almasená. Ambos cockpit segun ta di spera, otro aña si ta bira operashonal. Na e momentu ei tambe for di Region Karibe Hulandes, e aparatonan por keda manehá desde Leeuwarden. E area na Friesland finalmente ta duna ubikashon na tur e sistemanan teknológikamente avansá aki. Ademas di e aktual 4 ta trata di un kantidat igual, ku ta keda agregá aserka. Eseinan entre tantu a keda pidí kaba. NOTA: E texto ta scirbi den Papiamento fonetico di Corsou

  • Corsou ta registra caso di asesinato riba homber di 26 aña

    Corsou ta registra caso di asesinato riba homber di 26 aña

    WILLEMSTAD – Wikènt tras di lomba polisnan tabatin man yen ku trabou. For di djabièrnè anochi, kaya tabata basta drùk. Djasabra den kareda di algu pa 8 or di anochi, Sentral di Polis a risibí informashon ku den outo di famia lo a trese un hòmber na sala di emergensia di C.M.C. ku herida di bala na altura di su pechu i su kondishon tabata krítiko.

  • Na Corsou diamars próksimo Campo Alegre ta na findishi

    Na Corsou diamars próksimo Campo Alegre ta na findishi

    WILLEMSTAD - Tur kos ta kla pa findishi di Campo Alegre tuma lugá djamars awor dia 26 di sèptèmber. Esaki despues ku e findishi di aña pasá pa benta dje sentro di dibertishon, no a sigui.

  • Wardacosta na Corsou a intercepta otro boto cu 20 imigrante indocumenta awe marduga

    Wardacosta na Corsou a intercepta otro boto cu 20 imigrante indocumenta awe marduga

    WILLEMSTAD – Awe den oranan di mardugá Wardakosta a interseptá un boto sùit di Kòrsou ku sigur 20 ku tur probabilidat venezolano abordo. Intenshon tabata pa tur drenta Kòrsou di forma ilegal pero nan plan aki kai na awa na momentu ku radarnan di militar a detektá e boto aki yegando kosta di Kòrsou. Mesora a bati alarma i e metalshark di Wardakosta a logra para e boto i detené tur esnan abordo di e jola kolo blou aki. Manera a indiká tabatin komo 20 persona abordo entre kual hende hòmber, hende muhé i mucha. Alrededor di 3:15 a drenta haf di Kòrsou ku tur e detenidonan i a bai direkshon di Parera unda nan ta keda prosesá pa despues den futuro keda deportá. NOTA: E texto ta scirbi den Papiamento fonetico di Corsou. 

  • Van Huffelen: ‘Si nos no ta hasi nada, otro aña ENNIA lo tin problema ku pagamentu di penshun’

    Van Huffelen: ‘Si nos no ta hasi nada, otro aña ENNIA lo tin problema ku pagamentu di penshun’

    WILLEMSTAD - Sekretario di estado Alexandra van Huffelen djamars mainta den un rueda di prensa ku prensa Karibense di Reino Hulandes a duna mas detaye tokante fiansa di 1.2 miar Naf ku Hulanda ta ofresé Kòrsou pa yuda ENNIA. Segun Van Huffelen gobièrnu di Hulanda i Kòrsou ta preokupá tokante situashon finansiero di ENNIA. “Si nos no ta hasi nada, for di komienso di 2024 ENNIA lo tin problema pa paga tur hende nan penshun kompletu. No tin otro opshon, nos tin ku invertí e sèn den ENNIA. Si no, no por garantisá penshun mas.”

  • Tweede Kamer lo vota tocante mocion pa ‘nulmeting’ den enseñansa naCorsou

    Tweede Kamer lo vota tocante mocion pa ‘nulmeting’ den enseñansa naCorsou

    WILLEMSTAD - Parlamento hulandes den siman di 26, 27 i 28 di sèptèmber lo vota tokante diferente moshon. Entre otro moshon tokante ‘nulmeting’ di enseñansa na Kòrsou. Esaki ta poné den agènda di parlamento hulandes. Manera ta konosí partido polítiko hulandes CDA no ta di akuerdo ku e manera ku Kòrsou a hasi investigashon pa e ‘nulmeting’ di enseñansa. Parlamentario Joba van den Berg tres luna pasá a entregá un moshon pa urgi Kòrsou pa hasi un nulmeting di nobo. E investigashon tin ku wòrdu hasí dor di un instansia independiente, asina Van den Berg ta skirbi den su moshon.

  • Na Corsou, Raad van Advies ta preocupa cu exodo debi na pobresa

    Na Corsou, Raad van Advies ta preocupa cu exodo debi na pobresa

    WILLEMSTAD - Hunta di Konseho ta preokupá pa e desaroyo di nivel di bienestar na Kòrsou. Den nan konseho riba presupuesto 2024 ta konstatá ku entre 2018 i 2021 poblashon di Kòrsou a baha ku 10 mil persona debí na e nivel di bienestar ku a bai atras.

  • Powered by SETAR