NoticiaCla Live ta ripiti, loke a bira e ultimo entrevista di Ruben Garcia, diahuebs awor!

ORANJESTAD – Recientemente e programa NoticiaCla LIVE tabatin como invitado, Aruba su locutor stima Ruben Garcia. Den e programa ey cu tabata realmente en vivo, e la splica riba su situacion medico, su bida y den kico tur e la pasa e aña aki. Manera ta conoci awor, dos siman despues lamentablemente e la bin fayece. A resulta cu esaki tabata e ultimo entrevista cu Ruben Garcia a duna publicamente. 

HOMENAHE

Como homenahe na su persona, NoticiaCla kier a ripiti e programa y a opta, mirando e tema delicado di e entrevista, pa consulta prome cu e famia.  E siman aki, den consulta cu famia di Ruben, nan a duna luz berde pa ripiti e programa aki, cu nos ta aprecia masha! Como tal NoticiaCla ta ripiti e programa diahuebs awor 9’or di anochi, riba tur Plataforma di noticiacla, esta e Facebook Page, website y app. E lo no ta un entrevista facil pa wak, pero si unda cu Ruben a laga momentonan atras pa recorde. Y ta pesey a opta pa haci e intento toch pa ripiti e programa. Bo ta cordialmente invita pa wak e ripiticion di e programa aki. No perde!.