Corsou ta bai Gobierno di Reino ku asunto di KLM

WILLEMSTAD - Gruponan di interes ayera a reuní na Forti riba e preokupashon pa e echo ku KLM ta bai baha e kantidat di buelonan pa dia i hasi esaki un. Entre nan promé minister tambe a mustra su preokupashon i mas ainda pasobra Kòrsou si a tene kuenta ku KLM i a laga nan bula pa nos isla den tempu di pandemia, pasobra nan a bisa ku e ruta aki ta unu rendabel.

Den deklarashon na EXTRA promé minister Gilmar “Pik” Pisas a bisa ku nan tur ta mesun liña. E desishon di KLM lo bai tin efekto pisá den nos ekonomia i nos mester buska solushon. P’esei  a buska pa deliberá.

“Nos ta bai mustra e impakto ku e lunanan aki lo bai tin kontra di Kòrsou. Ta importante pa sa ku e situashon aki dia ku KLM den kuadro di pandemia, ora mester a tuma desishon aki pa sera airopuerto, KLM a bisa ku no por pasobra ta nan ruta mas rendabel. I awor ku mundu a normalisá ta tuma e desishon aki”, sr. Pisas a bisa den entrevista ku EXTRA.

KLM ta bisa ku na Schiphol no ta funshonando komo tal i nan trahadónan ta kayendo afó  pero tòg ta habri liñanan nobo pa bula. “Nos ta bai na nivel di gobièrnu pasobra nos no ke pa loke ta bibando eifó ku ta konspirashon tin,  awor ku nos ta bayendo stabil pa loke ta e parti finansiero. Nos sa kon importante turismo ta i e kaida di KLM ta devastador” segun promé minister.

El a sigui bisa ku e ta hopi devastador pa Kòrsou. Si wak bon, e tempu kòrtiku ku nan a tuma pa e desishon aki, siendo algun dia pasa a bisa ku ta sigui ku 2 buelo pa dia. Sr. Pisas a bisa ku nan tin di wak kiko e desishon ta  pa nos pais i ta inaseptabel pa nos.

“Nos ta atendé na nivel di gobièrnu i ta sigui miéntras tantu ku konekshonnan pa buska solushon i nos ke sinta bèk ku KLM. Mi ta kontentu pa por enfrentá e desishon aki huntu ku minister Cijntje i e ta importante pa nos keda uni”, promé minister a bisa den entrevista ku EXTRA

El a bisa mas aleu ku ta bai analisá e sifra huntu ku CTB i departamentu ekonómiko i einan lo manda karta pa mustra ku ‘nos’ ta den reino, gobièrnu ulandes a hinka hopi sèn den KLM i nan mester por yama e direktor i manda nan mesa pasobra esaki no ta e manera pa trata ‘nos’ den reino. NOTA: Texto ta scirbi den Papiamento fonetico di Corsou.