Basta compania a mustra interes pa cu e proyecto di e Rincon Windpark

ORANJESTAD – Un total di 28 compania a mustra interes inicial pa e parke nobo di molina di biento. Di nan, 12 a cumpli cu tur exigencia. Asina Utility Aruba a informa e siman aki ora cu a habri e dropbox pa e Expresion of Interest pa e Rincon Windpark dilanti notario. Awor lo evalua e candidatonan cu ta pasa pa e siguiente fase cu ta e Request for Proposal (RFP). Utilities a splica cu ta intencion pa comienso di otro aña tur cos ta cla pa cuminsa cu e construccion di e di dos parke, cu lo ta banda di Vader Piet na Rincon.