Mientras ta cancela mitar di buelo pa Corsou, KLM ta mantene buelonan pa Aruba

ORANJESTAD/SCHIPHOL – Mientras cu e aeroliña KLM a anuncia cu ta cancela por lo menos mitar di e cantidad di buelo pa Corsou proximamente, esaki lo no ta e caso pa e buelonan pa Aruba. E buelonan ey cu ta pasa via Bonaire, ta keda intacto. Asina e portal Bonaire.nu ta raporta despues di a papia cu e aeroliña. 

CANCELACION

For di 5 di December KLM ta scrap buelo pa Corsou te cu dia 18 di December proximo. Motibo ta e problemanan logistico na Schiphol. Entrante 19 di December e di ‘dos’ buelo ta bolbe te dia 8 di januari 2023. Y entrante 9 di januari 2023 atrobe ta anula e di dos buelo te cu fin di maart 2023. 

EFECTO ECONOMICO

E portal aki a compronde cu e cancelacion di e di dos buelo lo tin un efecto economico serio pa Corsou y su turismo den e periodo en cuestion. Ta papia di un perdida di miyones di placa na entrada pa comercio.