Presidente di Staten kier Hulanda converti sosten di likides den ‘regalo’

DEN HAAG – E delegacion di Parlamento na Hulanda actualmente pa e reunionan di IPKO (Inter Parlementair Koninkrijks Overleg) durante e apertura di e reunion diamars, a indica cu Hulanda mester ‘cancela’ e ayudo di likides cu e la duna Aruba como parti di un ‘prestamo’. Asina e portal Dossierkoninkrijksrelaties ta raporta for di Hulanda.

REFINANCIA DEBE COMPLETO

E portal ta mustra cu e presidente di Parlamento di Aruba Edgard Vrolijk a bisa cu Hulanda no solamente mester comberti e prestamo den un ‘regalo’, sino cu e mester laga Aruba refinancia henter e debe di pais Aruba contra un interes abou. Corsou a purba caba recientemente y a haya un ‘o’ como contesta cerca secretario di estado Van Huffelen. 

CRITICA RIBA CAFT

E presidente di Parlamento tambe a mustra su desaprobacion pa cu e forma con e colegio di supervision financiero, CAFt, ta manehando e situacion di Aruba y ta ‘castigando’ gobierno relaciona cu e disciplina di presupuesto.