Aunke e ta operacional, toch no a logra habri e rotonde Palm Beach oficial ainda

PALM BEACH – Un biaha mas DOW no a logra keda cla cu e rotonde di Palm Beach pa habri esaki segun e fecha 'nobo' anuncia. Segun e ultimo informacion luna pasa, a informa cu no a keda cla pa habri pa 1 september 2022, a tene conferencia di prensa y a bisa cu lo keda cla pa dia 23 di September y habrie completamente, incluyendo e parti mei mei. Pero diabierna esey no a sosode. E rotonde ta operacional si pa trafico, pero e parti mei mei ainda no ta termina, manera cu automobilistanan cu a pasa diadomingo ainda por a mira. No ta conoci cuanto dia mas esaki lo dura, y of si lo hacie riba porta 1 di October 2022, manera cu a planea luna pasa, pero cu retraso di un luna.