Meteo: Impacto di depresion tropical #9 lo ta minimo pa Aruba

ORANJESTAD – Servicio Meteorologico di Aruba a raporta diabierna (manera cu NoticiaCla a raporta mas tempran:red) cu awe 8:00 am e recien “upgraded” Depresion Tropical Nr.9 tabata situa na mas o menos  14.1N 69.0W, cu ta 200 km noord di Aruba. Cu e curso actual e sistema aki ta bai sigui move den parti oost-centraal di Caribe y lo acerca Jamaica y Cuba den curso di e fin di siman aki.

IMPACTO RIBA E WEER LOCAL:

Segun Meteo, ya e impactonan lo ta minimo; algun awacero aisla por forma ahinda.  Pa e parti maritimo, por spera lama modera na partinan oost te noordwest cu olanan entre 5 pa 6 pia. Na partinan zuid lama por ta modera te poco ruw (olanan di 3 pa 5 te 6 pia) debi na e direccion inusual di biento. E situacion aki lo baha pa oranan di awe tardi ora e biento hasi su turn pa zuidoost te oost bek. Ta pidi operadornan di boto chikito pa bai cu cautela na partinan Zuid y tambe cerca of den besindario di awacero of posible lamper cu strena. Un aviso pa boto chikito ta na vigor te awe tardi 6’or  Departamento Meteorologico di Aruba la sigura di lo sigui e desaroyonan rond di e sistema aki cu hopi atencion.