Premier Wever Croes a reuni cu presidente di Surnam na New York

Posted on 09/23/2022 9:29 am AST | Updated on 09/23/2022 9:30 am AST

NEW YORK - Prome Minister Evelyn Wever-Croes hunto cu Premier di Sint Maarten Silveria Jacobs y di Curacao Gilmar Pik Pisas a reuni cu Presidente di Suriname Chan Santokhi, pa estrecha lasonan entre e paisnan. E prome mandatario di Aruba ta na New York e siman aki y ta atendiendo varios reunion relaciona cu su bishita di trabou. Detayenan di e combersacion cu e presidente di Surnam no ta conoci. 

  • Europa y Merca ta condena e anexion di regionan Ucrania y ta impone sancionan nobo

    Europa y Merca ta condena e anexion di regionan Ucrania y ta impone sancionan nobo

    DEN HAAG – E anexion illegal di 4 region di Ucrania awe, ta wordo condena severamente riba nivel internaconal. Merca y Europa ta reacciona cu sancionan nobo contra Rusia. E sancionan mericano ta dirrigi contra e compleho industrial tras di e  guera, manera infrastructura. Segun presidente Mericano Biden e ta un intento fraudulento pa reclama tereno di Ucrania. Premier Hulandes papiando pa Europa, a condena e acto aki tambe severamente contra Rusia. 

  • Nicolas Maduro a alerta islanan ABC pa wak pa nan yuda cu combatimento di narcotrafico

    Nicolas Maduro a alerta islanan ABC pa wak pa nan yuda cu combatimento di narcotrafico

    CARACAS – Presidente di Venezuela Nicolas Maduro a ordena diahuebs pa instala basenan militar na e peninsula di Paraguana pa combati narcotrafico den e zona. E la splica cu e zona aki, situa den algun kilometer di Aruba, Bonaire y Corsou, ta un di e rutanan di e narcotrafico colombiano pa Europa. E la insisti pa Hulanda coordina cu Venezuela pa defende e teritorio unda tin un ‘coredor di narcotrafico’. “Mi ta haci un yamada na e embahador di Hulanda, gobierno local di Aruba, Corsou y Bonaire pa nan haci algo pasobra Venezuela ta haciendo un gran esfuerso pa proteha tur esaki y nos lo sostene esaki!’ e mandatario Venezuela a alerta segun e agencia di noticia EFE. 

  • Arubiano Aaron Hosé na Florida: Ian a yega cerca nos como tormenta y no horcan

    Arubiano Aaron Hosé na Florida: Ian a yega cerca nos como tormenta y no horcan

    ORLANDO – Manera por spera, tin varios Arubiano cu ta biba na Merca y den e caso specifico aki, hopi ta biba den e estado di Florida. NoticiaCla tabatin contacto cu uno particularmente cu ta biba na Merca for di añanan 90, y di cual e tin e ultimo 13 añanan bibando cu su casa na Orlando, y a experencia e pasada di e horcan Ian. Ta trata di e conocido productor cinematografico Aaron Hosé, cu su casa Brigitte. Ambos Rubiano, a splica cu danki Dios no tabatin hopi daño unda cu nan ta biba, sino si hopi awa. Den nan caso, e caya dilanti nan cas y henter e barrio tabata manera un rivier, pero riba caminda so, pues nan por a drenta nan cas ok. Y como cu nan tin un SUV, nan por move basta bon. 

  • Diabierna Rusia ta seya conecion cu regionan Ucraina ocupa

    Diabierna Rusia ta seya conecion cu regionan Ucraina ocupa

    MOSCU – Gobierno Ruso a anuncia cu diabierna e ta concretisa toma di por lo menos 4 region ocupa na Ucrania. Ta trata di  Donetsk, Lugansk, Zaporizhia y Kherson. Lo tabatin un referendum siman pasa pa cu e union di e lugarnan aki cu Russia. E intencion ta pues cu Russia ta anexa e regionan aki mescos cu e la haci cu Crimea na 2014.  

  • Horcan Ian ta casi categoria 5 mientras e ta yegando Florida

    Horcan Ian ta casi categoria 5 mientras e ta yegando Florida

    MIAMI – Horcan Ian tabata yegando categoria 5 diaranson mainta preparando pa subi tera na e parti west di Florida. National Hurricane Center ta considera e horcan categoria 4 (casi 5) como uno extremadamente peligroso. E horcan a cuminsa bati e costa caba cu biento feroz y awacero torencial, cu chens pa causa daño catastrofico sin presendencia ora cu e subi tera. E horcan ta 2 miya di forza leu d ta un horcan categoria 5 cu ta esun di mas grandi y peligroso.  

  • Horcan categoria 3 Ian ta menasa costa west di Florida pa diaranson

    Horcan categoria 3 Ian ta menasa costa west di Florida pa diaranson

    MIAMI – Horcan poderoso Ian ta pasando awe mainta riba e isla di Cuba, pa despues dirigi su mes pa e costa West di Florida diaranson. ACtualmente un horcan categoria 3, e ta pronostica pa fortifica den un categoria 4 ora cu e yega e costa di Florida. E problema ta pa pronostica unda exactamente e horcan lo subi tera y esey tin hopi hende preocupa. Mirando cu ta temporada di vacantie, tin hopi hende (incluyendo Rubiano) na Florida actualmente riba e ruta di e horcan. 

  • Powered by SETAR