NHC: Prepara pa yobida fuerte pa islanan 'ABC' e dianan aki

MIAMI – National Hurricane Center (NHC) na Miami ta pronostica yobida fuerte pa islanan ABC pa e fin di siman aki a consecuencia di e ola tropical cu por bira e proximo tormenta tropical Hermine. Segun nan informe di diaranson mainta 8’or, nan ta papia di e ola tropical cu ta drentando Caribe. “Pero apesar di e desaroyo di e ola aki, e islanan ABC ta spera hopi awacero y biento fuerte e dianan aki” National Hurricane Center ta bisa.  

SISTEMA TROPICAL

E sistema cu NHC ta vigilando ta algun 100 miya oost di Isla Riba y ta mustra cierto grado di organisacion y lo por bira un depression tropical dentro di algun dia. E ta moviendo direccion west Noord west. Ta premira e chens di 70% pa formacion dentro di 2 dia y 90% den 5 dia. Ta premira tambe cu prome cu e yega Bonaire, e por desaroya den tormenta Hermine, y despues cu e pasa nos, bira un horcan.