DIMP: Algo mas di 16 mil plachi di vehiculo di motor no a cumpli cu pago pa 2022

ORANJESTAD – Ainda di algun mas cu 16 mil plachi di vehiculo di motor cu sea no a paga nada di 2022 of parcialmente. Esey ta conta pa 19% di e totalidad di plachinan registra na Departamento di Impuesto (DIMP) segun e vocero Meverly Romano a bisa den un conferencia di prensa diahuebs mainta. Na tur tin 16.789 plachi cu ta den ‘default’. Di otro banda, 78% di esnan registra, a cumpli cu nan pago completo cu ta 69.976 di e total di 89.959 cu ta registra. Pa DIMP, e cifra cu nan ta busca, ta un cumplimento di sea 80% of mas halto. Algo cu nan ta kere cu nan lo por logra pa fin di aña. 

INCUMPLI

E grupo mas grandi di plachi cu ta incumpli, ta di e letter A, sigui pa DT (trucknan diesel) y motorcycle (MFA). Tin tambe basta v-car (auto di huur) cu no a cumpli (776) mientras cu pa plachinan di tour (T) tin 227 cu no a cumpli. Bou di e grupo di taxista, tambe tin cu no a cumpli full, di cual tin 8 cu no a paga nada di 2022 ainda, y tin 27 cu a paga mitar aña so. E resto a cumpli.