Gobierno ta limita overtime di ambtenaar pa cubri parti di 5% recorte salarial

ORANJESTAD – Entrante awe 15 di september 2022, ambtenaarnan por haya maximo di Gobierno di Aruba a maximalisa trahamento di overtime te un maximo di 40 ora pa luna. Esaki ta poni den un circulaire di gobierno dirigi na tur hefe di departamento, fecha 14 di september (ayera). E medida cu manera informa, ta drenta na vigor entrante awe, ta pa ‘yuda’ cubri e pago di e recorte di 5% cu gobierno a kita di trahadonan tempo di pandemia. Tur overtime cu pasa 40 ora pa luna, por wordo cobra den forma di time back solamente, segun orden di gobierno. 

MUCHO OVERTIME

Segun Gobierno, a base di cifranan realisa te cu awor, pago di overtime ta keda un reto. Den e departamentonan ‘ehecutivo’, p.e. overtime den e di dos cuartal di aña lo a aumenta considerablemente, cu si no tuma medida, e lo surpasa e cantidad di pago na overtime presupuesta. Mientrastanto gobierno ta trahando riba un maneho nobo pa cu overtime, y lo invita stakeholdernan respectivo, pa nan input riba e proposicion di gobierno. E intencion di gobierno ta pues pa e aña aki caba reduci overtime den forma di pago. E medida ta drenta na vigor awe 15 di September 2022 y ta valido te 31 di December 2022.  Ademas ta splica cu e departamentonan mester baha e overtime adkeri cu 25% durante e ultimo lunanan.