- AZV: Otro luna tin traspaso automatico di clientenan di dokter Vink pa HOED Piedra Plat
- SETAR a tene su Avigilon ALTA Launch Event cu enfoke riba e futuro di seguridad
- Grupo grandi di ex studiante tin problema pa paga nan Duo lening bek
- CBS: Bestaansminimum a subi atrobe na Aruba debi na aumento di gasto di cuminda
- Figaroa: Proximo gobierno mester consisti di solamente vakministers
Aruba su baluarte musical Etty Toppenberg a bay sosega
ORANJESTAD – Despues di un malesa, awe tardi Alex Edward miho conoci como Etty Toppenberg (79) a bay sosega. Etty a nace na Aruba dia 19 di augustus 1943. Su nomber di cariño semper tabata Etty. Nomber di su tata ta Gilberto de los Santos Toppenberg y su mama ta Petra Soliana Toppenberg. Etty a nace y lanta den Companashi. E ta number shete di e total di diesun ruman, di cua dos a fayece.
MUSICA
E no ta un cambio ni otro rumbo, semper Etty a keda haci musica. E1 a traha na oficina di impuesto pa diez aña, despues el a bira maestro di scol y nunca el a laga musica. Etty a uz’e hopi, pasobra ta dos podium bo tin, esun den klas y esun riba cua bo ta para canta. Semper el a laga nan traha hunto, p’esey Etty ta un di e hendenan mas afortuna na Aruba. E ta kere cu ta Birgen di Alto Vista den e kapel cu e ta bay tur mainta, ta yud’e cu e ta conforme cu su bida y satisfaccion cu el a haya cu musica. Segun Etty ta dos podium Do tin, esun den klas y esun riba cua Do ta para
BIDA ARTISTICO
Etty su prome guitara tabata gelijm den otro, pasobra e tabata kibra. Tabatin un carpinte band’i su cas. E la cumpra welwood, anto basha esaki, drech’e y pone cuerde. E guitara ey, nan a kibr’e. Etty no sa na unda un hende a cay sinta riba dje of ta kico a pasa!
OTI
Ta ranchera nan ta canta, Etty ta kere di aki banda nan ta unico grupo cu a yega Plaza Garibal di festival di OTI Nan a sali bay festival di cancion di Caribe na Puerto Rico y a sali na di dos luga. Nan a bay OTI-festival nan 1978 .Tambe nan a bay esun di Puerto Rico, despues na aña 1991, un diez tres aña despues nan a bay festival di OTI na Mexico. Nan ta e unico gmpo di Aruba cu a bay festival di OTI dos biaha. Noticiacla ta manda palabra di condolencia na famianan di Etty. Cu Etty sosega na paz.
AZV: Otro luna tin traspaso automatico di clientenan di dokter Vink pa HOED Piedra Plat
Grupo grandi di ex studiante tin problema pa paga nan Duo lening bek
ORANJESTAD – Mas cu mitar di studiantenan local (Aruba) cu a studia usando e prestamo escolar ‘Dienst Uitvoering Onderwijs voor studenten en scholieren’, conoci como DUO, tin problema pa paga esaki bek , ta paga menos cu nan mester paga, of mas pio, no ta paga nada bek mes. E grupo aki ta sigui ta un problema segun representante di DUO, Marit Verbogt manera cu e la splica diahuebs den e programa Noticiacla LIVE. Si tin mas of menos 4000 ex studiante cu tin cu paga bek, y ta algo di mas di mitar tin e problema, por deduci cu e cantidad aki ta mas cu 2 mil studiante local. Verbogt ta splica kico e situacion ta, den e video adhunto. E siman aki e representantenan ta na Aruba te cu otro siman diabierna pa atende cu e grupo aki y tambe studiantenan cu kier un beca via DUO. Nan por acudi na e centro John F Kennedy durante oranan specifico cu ta ubica riba e pagina di FB di nan y tambe e portal di DUO.
DVG: A cuminsa hospitalisa hende localmente infecta cu Dengue
ORANJESTAD – E situacion di Dengue na Aruba ta birando mas alarmante. Diahuebs Departamento di Salud Publico a informa cu a cuminsa hospitalisa hende cu ta infecta cu Dengue. Ta trata di 2 persona. Un di e personanan aki ta bek na cas, y e otro ta sigui interna cu complicacionnan serio debi na Dengue. Por a verifica cu ningun di e personanan aki a biaha recientemente, indicando cu ta trata aki di dos caso di Dengue di transmision local. DVG ta informa tambe cu ta observando mas caso cu ta di spera – of cu ta normal – pa e temporada aki.
Conocido ciudadano y ex director di KIA Ben King a haya despedida impresionante
DEA: Cabesante y docentenan ta sigui prepara pa introduci Papiamento na scolnan basico
ORANJESTAD - Entrante augustus 2024 e alumno di klas 1 lo siña lesa y skirbi na Papiamento. A organisa un trayecto di preparacion pa asina ekipa e cabesante y e maestro di klas 1 di scolnan basico (basisschool) cu e hermentnan necesario pa por implementa e parti aki di e maneho nobo di idioma den scol.
A.T.A.: Por Mira Documentario Blue Lizard Effect via nos Planta Nacional TeleAruba
ORANJESTAD - Entrante 18 di april 2024, pa 9or di anochi via TeleAruba, Aruba completo lo por cuminsa presencia e serie documental ‘Blue Lizard Effect’. Un serie documental revolucionario cu ta profundisa su mes den e mundo fascinante di Aruba, pero di un angulo diferente. E serie ta explora e concepto energetico di felicidad y e conexion profundo cu e cultura, e hende, y naturalesa di e isla.
Follow NoticiaCla
