- Fluho di biento di oost te zuidoost lo pone tempo bira mas calor
- Premier Wever personalmente no por compronde pakico Hulanda no kier duna kwijtschelding na Aruba
- Prome embarcacion cu fruta di Venezuela a yega Aruba atrobe
- IMF: Economia di Aruba a bounce bek fuerte pero debe publico ta sigui halto
- Publico por vota pa e candidatonan pa Appeltje van Oranje 2023
Na Corsou e conocido Hotel Otrabanda a bira Harbor Hotel y Casino
WILLEMSTAD – E hotel popular den Centro di Willemstad, na Corsou Hotel Otrobanda, awor ta Harbor Hotel & Casino Curaçao. Asina e propietario Jasmin Pinedo a anuncia na NoticiaCla.com. E nòmber nobo a keda revelá pa medio di su Pinedo, kende a anunsiá ku e hotel ta habri na luna di Desèmbèr benidero i alabes a habri e posibilidat pa solisitut pa diferente funshon. Segun Pinedo, no ta un sekreto ku Harbor Hotel & Casino Curaçao tin un di e bista nan mas presioso riba nos haf i bahía di Santa Ana. Pa e motibu aki, e nòmber HARBOR ta esun ideal i pa duna aun mas realse na nos dushi pais, a añadí e CURAÇAO na e nòmber.
CONSTRUCCION
Trabounan di konstrukshon a tuma su tempu debí ku ta praktikamente un hotel nobo a ser konstruí. Nos ta sumamente kontentu di por anunsiá ku Otrobanda ta bai tin un Hoya di un Hotel. “Nos sentro di siudat ta úniko i e ta na mi kasa Eithel i ami su kurason pa hopi tempu kaba. Nos tur sa ku Otrobanda meresé mas atenshon i dedikashon. Esaki ta un di e motibu nan prinsipal di nos desishon pa ban invertí den nos sentro di siudat, Otrobanda.
Ku e benida di Harbor Hotel & Casino Curaçao no solamente nos ke brinda Curaçao un bunita hotèl, sino mas bien nos ke ban p’e era nobo di Otrobanda”
Esei ta palabra nan di propietario Jachmin Pinedo durante presentashon di e nòmber nobo pa hotel Otrobanda, kual awor ta Harbor Hotel & Casino Curaçao.
Harbor Hotel Curaçao ta konta ku kamber nan bunita, super modèrno ku un bista úniko riba entrada di nos haf, plasa Brion i nos brug di ponton Emma. Ku fasilidatnan manera pool, gym i un pool bar ku ambiente tur momentu. Un restorant na airu liber pa saboriá kumindanan ekskisito ku un “breath taking view”.
Harbor Hotel & Casino Curaçao a habri tambe solisitut pa diferente funshon den area di hospitalidat. Pa apliká pa un funshon, mester subi e wèpsite www.harborhotelcuracao.com scroll bai abou òf klik riba menu prinsipal i skohe vacatures.
“Harbor Hotel & Casino Curaçao ta bai ta mas ku bo trabou, join nos i forma parti di nos famia. Nos ta buskando hende ku pashon ku kier representá e amor i e hospitalidat ku Curaçao so por brinda, por medio di e servisio duná na nos bishitante nan. Brindando nan un eksperiensia úniko pa bida i alabes enrikesé nan bida ku momentunan inolvidabel di nos dushi Curaçao.”
Palabranan di e human resource manager, Sabrina Rolfast. NOTA: E texto ta scirbi den Papiamento fonetico di Corsou.
Na Corsou, ruman ta tira ruman den barica y man
WILLEMSTAD - Otro problema familiar a sali kompletamente for di man ayera ora ku un hòmber a tira su propio ruman hòmber. E echo aki a sosodé na Mina Scharbaai. Den kareda di 20.33’or, Sentral di Polis ta risibí e mèldu dje tiroteo. A dirigí un unidat di warda di polis Otrobanda pa Mina Scharbaai pa atendé e kaso aki. Na yegada di e unidat, a topa un hòmber ku ya tabata wòrdu atendé pa personal di ambulans. E víktima tabatin un herida di bala algu riba su barika i un otro na su man.
Corsou a tene su Legends Football Tournament cu nombernan grandi den futbol internacional
WILLEMSTAD - Ayera tabata tin e promé weganan di Legends Football Tournament aki na Kòrsou. Kaminda vários leyenda di futbòl internashonal ta na Kòrsou representando Ajax, Colombia i tambe Brasil. Minister di desaroyo ekonómiko Ruisandro Cijntje a aploudí e evento i ta boga pa mas di e tipo di proyektonan aki na Kòrsou, pa asina usa nan komo instrumento pa sigui atraé mas turista. Minister Cijntje tabata enkargá tambe ku e promé sake. NOTA: Texto scirbi den Papiamento fonetico di Corsou.
Na Corsou, partido di coalicion PNP no ta usa credit card di 25 mil dollar!
WILLEMSTAD - E tres ministernan di Partido Nashonal di Pueblo (PNP) no a aseptá e “credit card” (tarheta di krédito) di 25 mil dòler. Esaki ta loke ku kada un dje ministernan a duna di konosé na prensa. Segun nos a komprondé ku tur e tres ministernan di PNP for di komienso no tabata di akuerdo ku e asuntu di tarheta di krédito aki, i no a vota pro esaki. Pero tòg ta keda na kada minister si ta asept’é.
Na Corsou, minister ta haya credit card di $25.000 pa gastonan di biahe di trabou
WILLEMSTAD.- For di e ministerio di finansa a Sali un dekreto nashonal ku ta atendé e parti di pago pa biahenan di trabou di ministernan. E desishon tuma siman pasá ta papia di un tarheta di krédito ku 25 mil dòler komo medio di pago pa biahenan di trabou.
Gotopo: Comerciantenan Venezolano ta bende fruta 15% mas abou cu otro comerciantenan
CORO - E vicepresidente di Cámara di Comercio de La Vela di Coro di e estado Falcón, Juan Gotopo, a expresa cu e fin di siman pasa, a sali un embarcacion cu por lo menos 38 tonelada di producto y alimento Venezolano pa Corsou. E ta sigura tambe cu e comerciantenan di Coro ta estima un crecemento economico local cu reactivacion cu islanan ABC. E la confirma den e entrevista, cu e tarifa cu e bendedornan Venezolano ta presta na e mercado flotante, nan ta bou di e prijs cu e comerciantnan di Panamá, República Dominicana y Colombia. Potret cortesia BBC
E prome dos barconan Venezolano di fruta a yega Corsou despues cu a habri frontera bek
WILLEMSTAD - Ayera mainta, eskoltá pa botonan di Wardakosta, a drenta nos haf 2 di e barkunan di fruta venezolano. Porfin nos por a bolbe yama bon biní na dos di e barkunan di fruta i bèrdura for di Venezuela despues di sinku (5) aña ku fronteranan entre Kòrsou i Venezuela a keda será.
Follow NoticiaCla
