Biblioteca Nacional di Aruba a anuncia cu pa Festival di Buki pa Mucha 2022

ORANJESTAD – Biblioteca Nacional di Aruba a anuncia cu pa Festival di Buki pa Mucha 2022 e tema ta ‘Biba Natura-Lesa!’ y ta hiba mucha den naturalesa. Asina e tema ta stimula pa lesa buki di naturalesa, mata, bestia y mucho mas. Festival di Buki pa Mucha 2022 ta tuma lugar den siman di dia 7 di november pa dia 11 di november. Apertura ta tuma lugar diabierna 4 di november na Cas di Cultura.

Esaki ta e di 30 edicion di e Festival di Buki pa Mucha

Y manera semper lo tin hopi actividad na diferente lugar cu autor, ilustrador, storia  y buki. Prome edicion di e Festival di Buki pa mucha tabata na 1993. Tambe tin workshop pa docente!

Exposicion Primary colors

N ta presenta un exposicion di un grupo di Artesano, Artista, Fotografonan den Sala di Exposicion for di dia 20 di september. Esaki lo ta habri henter dia pa publico y entrada ta gratis. E grupo ta presenta obranan den colornan primario cu ta geel, cora y blauw (Blauw a tuma lugar na april).  Awo, e exposicion ‘Yellow’ ta habri for di dia 20 di september y despues lo tin e exposicion ‘Red’. ‘Red’ ta cuminsa dia 12 di oktober y ta keda te dia 3 di november. E coleccion di obra ta diverso den tipo di obra, tin cuadra, potret, arte digital, obra di Mozaiek y assemblage.