Caso di mas di 100 turista mericano ‘pega’ na Aruba a bira noticia na Merca

PHILADELPHIA (WPVI) – Noticia di mas di 100 turista Mericano for di Philadelphia a bira noticia internacional e siman aki. Un canal di television mericano a opta pa raporta e storia aki, cu e angulo cu Merca a caba introduci un sistema unda cu por reclama cierto beneficio ora cu retrasonan asina sosode pa mericanonan cu keda pega na un of otro pais/destinacion. Ora cu 132 turista for di e estado di Philadelphia a keda pega na Aruba e siman aki pa 3 dia debi na fayo mecanico di e avion di aeroliña American Airlines, esaki a bira noticia ora cu nan a bolbe. E turistanan ta splica di nan odisea cu nan a pasa 3 dia ta campa na aeropuerto en espera di un buelo pa nan bolbe nan destinacion. Nan a wordo trata bon si, pero e disgusto di no por a yega nan pais bek, a crea e iritacion necesario y cu nan a vocifera riba television Mericano. Un punto cu pa nan tabata negativo, ta cu tin 'solamente' un buelo pa dia di Aruba pa Philadelphia, mientras cu pa Aruba e solo hecho cu tin un buelo diario pa e destinacion ey ta algo positivo. Ta depende di ki angulo mira e aspecto aki, esnan cu trata e tema, por a compronde e na nan respectivo forma.