Merca ta cancela debe estudiantil te cu 10 mil dollar pa ex studiantenan

WASHINGTON — Presidente Mericano Joe Biden a informa diaranson cu ta bay cancela debe estudiantil di 10 mil dollar pa studiante pa esnan cu ta gana te cu 125 mil dollar pa aña. Esaki ta un di e promesanan di campaña cu Biden a core cu ne pa eleccion presidencial. Cifranan produci di Banco Central di Merca ta mustra cu tin 1.5 trilion dollars na debe estudiantil segun e di dos cuartal di 2022. Debe estudiantil ta e debe di consumidor mas grandi despues di hipoteca.