DEA: Studiantenan por participa na Virtual Fair di Education USA 2022

ORANJESTAD - Departamento di Ensen?ansa Aruba (DEA) a invita tur studiante di ensen?ansa secundario y universitario pa participa na e Virtual fair di EducationUSA. Bo son?o pa studia na Merca por cuminsa aki.

Por medio di un feria educativo virtual completamente gratis, studiante y profesionalnan na Aruba tambe lo tin acceso na oportunidadnan pa ensen?ansa avansa na Merca.

EducationUSA den colaboracion cu Departamento di Estado y Embahada di Merca ta invita studiante di ensen?ansa secundario y universitario como tambe profesionalnan di diferente area di trabou pa participa na e tercer edicion di EducationUSA Virtual Fair.

E feria virtual ta un evento gratis unda lo ricibi informacion for di 80 diferente institutonan di ensen?ansa avansa (Colleges y Universities) na Merca.

Den un ambiente completamente virtual, participantenan ta ricibi acceso na varios espacio unda lo brinda diferente tipo di informacion. Por ehempel, na e Auditiorium por encontra sesionnan en bibo ‘live sessions’ y esnan a base di peticion ‘on-demand’ riba topiconan di relevancia pa cada participante.

Na e Exhibit Hall, lo tin standnan virtual di e diferente institucion na unda cu e studiante por chat cu representante di cada organisacion y tambe cu conseheronan di EducationUSA.

Banda di e aspecto educativo, lo tin espacionan interactivo manera un Photobooth y un Leaderboard unda cu pa diferente actividadnan riba e Fair Platform participantenan ta ricibi punto.

Durante e feria virtual participantenan lo ricibi tur informacion corecto, comprensivo y actual tocante e proceso di aplicacion, rekisitonan y sosten financiero pa studia na Merca.

REGISTRA

E evento online pa nos region ta tuma lugar diaranson, 24 augustus di 4:00 di atardi pa 7:00 di anochi.

Por registra pa e feria na e siguiente link: bit.ly/EDUSAFair. Por haya mas informacion y e link tambe riba website di Departamento di Ensen?ansa Aruba ww.ea.aw.

EDUCATIONUSA

EducationUSA ta un red di e Departamento di Estado di Merca. E red ta consisti di mas cu 430 centro y nan ta estableci na mas cu 175 pais y teritorio globalmente.

E centronan ta brinda informacion y conseho pa studiantenan cu ta biba pafo di Merca. EducationUSA ta promove ensen?ansa avansa na Merca na studiantenan den exterior, incluyendo Aruba, door di brinda informacion corecto, comprensivo y actual tocante oportunidadnan existente pa studia na institucionnan universitario acredita na Merca.

MAS INFORMACION

Pa mas informacion por acudi na Facebook page facebook.com/EducationUSAAruba.

Pa mas informacion relaciona cu Arubalening pa studia na Merca por acudi na website di Departamento di Ensen?ansa Aruba ww.ea.aw y busca Arubalening (Portal) na letter A den e alfabet menu. Tambe ta sugeri studiantenan pa sigui Departamento di Ensen?ansa Aruba riba Facebook y/of Instagram @EducationAruba pa keda na altura di tur informacion.