Trahadornan di Postkantoor a bay den accion awe mainta

ORANJESTAD – Trahadornan di Postkantoor a protesta diamars mainta y reuni durante ora di trabou cu e sindicato SEPPA riba un cantidad di tema di preocupacion. E presidente di sindicato, Magaly Brito a splica cu ta varios asunto tin, variando di e recorte salarial di 12.6%, ahustacion di salario di e trahadornan y mas cu no ta hayando atencion di e gerencia. Esaki a pone cu e trahadornan a fada di wordo teni na un liña. E situacion ta asina cu varios trahado a bandona e servicio, cu ta pone un peso extra riba e demas trahadornan cu si a keda. A keda pa dicidi awe mainta kico e siguiente paso lo ta pa cu e trahadornan di e compania.