Huez a ordena pa debolbe ex minister su placa, confisca durante entradanan hudicial pa caso Flamingo

ORANJESTAD – Corte diahuebs a duna orden na Ministerio Publico pa debolbe placa cu a keda confisca durante e tres entradanan hudicial contra ex minister Otmar Oduber relaciona cu su parti den e caso penal Flamingo. E ex mandatario a confirma diahuebs na noticiacla cu e siman aki a dicidi di entama un caso pa e haya e sumanan di placa aki bek, y e siman aki mes huez a dicta sentencia. Tur otro cos Oduber a haya bek caba despues di e entradanan y cu e investigacion a permiti esaki. Pero e placa tabata e unico cu ainda tabata falta. E ex mandatario no kier a bisa si, di cuanto placa ta papia aki.