Na Corsou, miembronan di Tweede Kamer tambe a pone krans na estatua di Tula

WILLEMSTAD - Ayera tabatin un asistensia grandi pa konmemorashon 227 aña Lucha pa Libertat ku a tuma lugá na e estatua di Tula na Rif. E konmemorashon e aña akí tin komo lema sentral: “No mas rekolonisashon, ban pa mas emansipashon!” Ku e lema akí ta pone énfasis riba e nesesidat pa nos tur komo Yu di Kòrsou tuma rienda den nos man i sigui traha duru pa logra mas emansipashon pa nos pueblo. E delegashon di Tweede Kamer ku ta na Kòrsou pa atendé e tema di sklabitut tambe tabata presente i a pone krans na e estatua di Tula. NOTA: Texto scirbi den Papiamento fonetico di Corsou.