- Bucuti & Tara Beach Resort a Celebra Housekeeping Week cu Premionan y Reconocementonan Special
- KNVB: Wega suspendi entre Ajax y Feyenoord na Hulanda, ta sigui diaranson awor
- Gobierno a inicia siman di accion pa cu metanan di desaroyo sostenible (SDG's)
- KLM a yega na acuerdo cu pilotonan, evitando un welga awe
- SKOA a celebra nan acreditacion oficial di e programa Erasmus+
Aruba Regatta ta cla pa nabega
ORANJESTAD - Bao di e slogan ‘Ban Nabega Hunto’ (Let’s sail together), Aruba Regatta ta trece deporte, hende y naturalesa hunto pa prome biaha despues di un pausa di tres aña. The Aruba International Regatta lo tuma lugar dia 19, 20, y 21 di Augustus 2022. E fundacion su vision ta pa crea un plataforma cu ta conecta hende cu experiencianan tremendo di water sport, y regatta ta enfoca riba e comunidad di nabegadornan hoben, cu meta pa expande e siguiente generacion di nabegadornan riba nos isla.
The Regatta ta haya cu deporte ta hunga un rol hopi grandi den sigura un futuro sostenibel pa nos generacion actual y esnan cu ta bini. Conexion cu naturalesa ta loke ta yuda nos ta mas consciente di nos relacion cu e universo. Ora nos siña nabega, nos ta desaroya un respeto y deseo pa cuida nos lama, como embahadornan di e bunita mundo rond di nos.
CALENDER DI EVENTONAN
E opening event di Aruba International Regatta lo ta riba diabierna 19 di Augustus, na Universidad di Aruba hunto cu FPNA combersando riba e marine park. Caredanan ta planea pa diasabra 20 di Augustus y diadomingo 21 di Augustus, 2022.
LOCALIDADNAN
Dos dia emocionante di nabegacion y diversion ta planifica na tres localidad: Surfside Beach, Fisherman’s Huts anto e beach pabao di West Deck, cu lo host e siguinte caredanan:
1. Optimist Beginner, 2. Optimist Advanced, 3. SailQube, 4. F11, 5. Miniatuur Criollo, 6. Miniatuur Open 7. Sunfish, 8. Beachcat, 9. Windsurf Beginner, 10. Windsurf Advanced, 11. Kite Beginner, 12. Kite Advanced, 13. Yachts Open, 14. Yachts Pro, anto e cantidad di yatenan final lo wordo revela na comienso di e Regatta. Tur boto lo haci nan careda na Oranjestad su waterfront cual ta premira di bira algo spectacular.
REGISTRACION
Tur capitan, crew, boluntario, sponsor, clubs, y cualkier persona interesa den Aruba International Regatta por registra riba e portal y haya tur informacion necesario via www.aruba-regatta.org, of email [email protected].
TROFEO ERNEST ‘ERNIE’ KERVEL - SUNFISH CLASS
Regatta ta orguyoso di por anuncia introduccion di trofeo EK pa sunfish class na honor di e homber cu a crea e base pa e deporte aki na Aruba, specialmente den sunfish class. E ganado di sunfish class lo ricibi e trofeo EK pa want’e te cu otro aña pa e siguiente Regatta. Ernie tabata presidente di ISCA entre 1983 pa 1984, un miembro di hopi tempo na ISCA World Council, y tambe un Lifetime Member di e Class, den honor di su liderazgo grandi. Kervel a maneha Sunfish Club Aruba, Aruba’s National Sunfish Class Association, pa hopi aña. Sunfish Club Aruba a host e Sunfish World Championship tres biaha: na 1974, 1980 y 1987.
Ricibiendo e titulo di Sunfish Club Aruba Member of Honor, Ernie tabata e motor tras di e organisacion di e eventonan di clase mundial aki. Mas cu 100 sunfish sailors for di varios parti di mundo a bishita Aruba cada bes.
Un di e caredanan lo wordo dedica na Capitan Mario Maduro, kende tabata na cabes di Mi Dushi pa hopi aña. El a fayece inesperadamente na Maart 2020, despues di a sirbi industria turistico y comunidad di nabegacion na Aruba cu hopi pasion pa henter su bida.
Limited Addition DAKINE surf hats cu logo di Regatta ta obtenibel, reserva esun di bo trempan.
Pa instruccionnan pa nabegacion y registracion: aruba-regatta.org of email riba [email protected].
Seleccion damas di Belize ta gana Aruba 2-0 den cualificacion pa CONCACAF Gold Cup
BELIZE – E seleccion di damas di futbol di Belize a gana e seleccion di Aruba 2-0 diahuebs den stadio FFB. Den e prome mitar no tabatin gol anota. Despues den e di dos tempo ??kh??l? ??wd?n a score e prome gol pa Belize y den e tempo extra e ???t??n ??br?n? ??l?? a score e di dos gol. E siguiente wega di Belize ta contra Bonaire dia 25 di September proximo.
FIFA: Aruba ta un di e dos paisnan cu mas a subi riba ranking internacional!
ZURICH – Aruba ta un di e dos paisnan cu a conoce e aumento mas grandi riba e ranking mundial e siman aki, cu 6 puesto. Asina e federacion internacional di futbol FIFA a informa awe. “Pa loke ta progreso den sentido di lugar, esnan cu mas a subi tabata Guinea Bissau (106th) y Aruba (193rd), ambos cu a subi 6 posicion!” FIFA ta sigui bisa. Esun cu ta keda na cabez, ta keda Argentina cu nan victoria recien di 1-0 contra Ecuador y e exito di 3-0 contra Bolivia durante e wega di apertura di CONMEBOL FIFA World Cup 2026™ pa cualificacion. Francia ta ked ana di dos lugar sigui pa Brazil (3rd), England (4th) and Belgium (5th). Hulanda ta keda na di 7 lugar. Pa e lista completo, click AKI.
E cadena Hulandes NOS ta transmiti tur wega di Nations League di Hulanda cuminsando mayan
AMSTERDAM – Mayan ta cuminsa e weganan di futbol femenino di e seleccion di Hulanda na Nations League. E weganan di e ekipo di e entrenador Andries Jonker lo ta transmiti di awor pa proximo dos aña pa e cadena nacional Hulandes NOS en bibo. NOS no tin solamente e derecho di Nations League pero tambe tur e weganan di cualificacion pa mundial di Futbol. Esaki sigur ta interesante pa esnan na Aruba cu ta sigui futbol Hulandes atentamente.
Dick Advocaat den combersacion pa bira entrenador di seleccion di Corsou
AMSTERDAM – E entrenador veterano Hulandes di futbol, Dick Advocaat (75) ta den combersacion pa bira e entrenador di e seleccion nacional di Corsou. Asina e portal ESPN ta raporta diabierna. Na juni e la despedi di e seleccion di ADO na Den Haag. E combersacionan cu Corsou ta andando pero ta mustra hopi positivo, segun e portal. Na Corsou, Advocaat lo reemplasa Remko Bicentini cu mester a bandona e seleccion despues cu Corsou a keda elimina di e Gold Cup den e ronda contra Saint-Kitts y Nevis.E tabata poni tambe pa hiba Corsou pa e Copa Mundial di 2026, pero esey awor ta bira mas bien e tarea di Advocaat. Despues cu a core cu Bicentini, Dean Gorré a bira e entrenador di e seleccion di Corsou.
E di 13 edicion di Aruba International Regatta 2023 a conclui na Surfside Regatta Village
ORANJESTAD – The International Aruba Regatta a conclui despues di dos dia yen di actividad riba Diadomingo 27 di Augustus 2023 cu dos ceremonia di premiacion. A reconoce nabegadonan hoben y adulto pa nan presentacionnan fantastico. Premiacion na hoben y di careda di boto Miniatura a wordo presenta pa Minister Ursell Arends, di Naturalesa y Medio Ambiente, y otro premiacionnan a wordo otorga pa Tita Iglesias di Aruba Tourism Authority.
Aruba ta cay venci contra Puerto Rico den e Tier I 2023 di Challenge Series Championship U14
ST JOHN’S – E seleccion di futbol damas U14 a gana di e seleccion di Aruba diadomingo den eTier I 2023 Caribbean Football Union Girls’ U14 Challenge Series Championship 5-0. E wega cu a tuma lugar na e Antigua and Barbuda Football Association’s Centre na St John’s, y tabata un di e weganan mas anticipa debi cu ambos ekipo tabata invito den nan grupo y e fase semi final. Puerto Rico cu tabata di dos despuesdi Haiti den e ultimo edicion di e competencia, kier a cambia nan fortuna den e final contra e campeonan di Tier II, esta Aruba. Camila Adame a habri e marcacion cu e prome gol pa Puerto Rico den e 25 minuut, ora cu e bala a pasa e man di e arkero di Aruba Tyanne Rafael. E di dos gol a bin den di 44 minuut ora cu Selymar Sierra a anota. E defensa di Aruba no a materialisa cu a pone cu Puerto Rico a probecha y a aumenta nan bentaha te na 4-0. Tabata Amanda Echevarria Ortiz y Bryant Laboy Vega cu a anota e golnan pa solidifica e victoria pa Puerto Rico. Y e gol final di Ortiz a bin den e di 65 minuut for di e lugar di penalty. Cu esaki Puerto Rico a sali victorioso y Aruba a keda na di dos lugar. Puerto Rico a gana tambe e premio di Wante di Oro pa e arkero Cameila Marin Cestero di Puerto Rico y e capitan Camila Adame ta bira e hungador mas balioso. E mesun dia e seleccion di Aruba a bolbe su isla bek y a ricibi un bunita yegada.
Follow NoticiaCla
