Ronda nobo di vacuna contra Covid pa Aruba y otro islanan ta inicia mitar di September

ORANJESTAD – Desde e di dos siman di September ta cuminsa un ronda nobo di vacunacion pa Aruba y tur otro islanan Caribe. Prome ta pa esnan cu tin un risico grandi. Ta trata di hende cu tin un risico pa un enfermedad serio y morto debi na contagio di Covid19. Tambe pa esnan den cuido cu tin contacto cu pashent y cliente ta prome pa bin na remarke. Despues ta sigui e resto di poblacion di 12 aña pariba. 

Na Bonaire, Statia y Saba y paisnan den Reino, Aruba, Corsou y St Maarten ta conta e mesun maneho cu na Hulanda. Aunke ta dificil pa pronostica, OMT na Hulanda ta informa cu despues di zomer, mester tene cuenta cu aumento di infeccion y e peso extra cu esaki ta crea pa e cuido medico y e escases di personal den sector comercial debi na AO. 

Pa preferencia, ta vacuna cu vacuna di Moderna y BioNTech/Pfizer. E vacunanan aki, dirigi contra tanto Omicron BA.10 como e variante di Wuhan ta segun OMT preferencial debi cu ta premira cu nan lo provee mas proteccion  compara cu e vacuna actual. Di data disponible, ta resulta cu antistof neutralisante contra variantenan di Omicron, ta mas efectivo cu esnan cu tin otro tipo di vacuna, esta monovalente. 

Registracion di vacuna bivalente a wordo pidi, y e speransa ta cu pa September esaki lo ta aproba y disponible. E entrega di e vacuna ta posiblemente dependiente di e timing di e registracion na e instituto Europeo EMA. Tin e posibilidad cu den e caso ey, por cuminsa un campaña cu e vacunanan adapta, of esun actual. E asina yama islanan CAS, Bonaire y esnan Hulandes Europeo por cuminsa despues di zomer cu e grupo di vacuna di griep. Mirando e cantidad di poblacion (limita) na Saba y Statia, e maneho den fase cu ta wordo aplica na e otro islanan y Hulanda ey, no ta deseable riba e islanan ey. Pa nan, lo inicia un campaña unda cu henter poblacion desde 12 aña (riba condicion di registracion pa un vacuna nobo)ta haya un vacuna atrobe di Covid19, manera cu a sosode den pasado. 

Texto original y potret ta pa cortesia di Dick Drayer.