Tin un escases grandi di stoel y buelo entre islanan ABC

KRALENDIJK – Ken cu mester biaha e dianan aki entre islanan ABC  , por keda pega. Esaki pasobra e demanda na pasashi ta asina grandi cu pa simanan largo no tin lugar riba buelo. P.e. un persona cu kier bula di Corsou pa Bonaire, por biaha te dia 18 di augustus,  pues aki 3 siman. EZ Air ta un poco mas miho pa buelo cu ta 11 di augustus, pero esaki tambe ta 2 siman leu. Aunke ambos compania tin suficiente stoel normalmente, ta notable cu den periodo di vacacion, esaki no ta e caso. Hinca extra buelo ta zona simple, pero no ta asina. Esaki debi na e cantidad di avion y piloto cu por bula. Y e problema ta cu no tin mucho mas alternativa tampoco. Y e hecho cu no ta ofrece servicio maritimo entre e islanan, no ta posibel.

GOBIERNODI REINO

Lamentablemente e discusion pa basta tempo entre gobierno di Reino  riba transporte aereo entre e islanan ta ausente. Hopi ta persisti cu transporte entre e islanan ta un asunto di Reino, esaki ta hopi keto rba e tema y ta laga esaki completamente na e mercado particular. Un rapport di e oficina di investigacion SEO, sigui pa un rapport di Comision Harmant a haci recomendacion pa un asinsa yama PSO (Public Service Obligation entre e islanan, unda cu por maneha e tarifa y cu gobierno por exigi cuanto capacidad mester wordo poni. E ministernan di transporte respectivo ta hala e rapport un banda cu ta pone cu e biaheronan ta sinta cu e problema, pa tanto e tarifa como capacidad di stoel. 

Texto original y potret ta pa cortesia di Harald Linkels