Aruba tabata envolvi den desmantelacion di Cartel di Balcan siman pasa

BRUSELAS - Europol a bisa dialuna cu e grupo responsabel pa e traficacion di 5 tonelada di cocaina di Surnam, a keda desmantela. Ta trata di e cartel di Balcan cu tabata forma primordialmente pa miembronan Montenegrino sospechoso. Diaranson ultimo tabatin 37 entrada hudicial den varios pais Europeo, cu a culmina e investigacion cu a inicia na februari 2020 ora cu un bapor di carga a transporta 5 mil kilo di cocaine. E barco a Sali di Surnam direccion Thessaloniki (Grecia).  Na november di 2019 aba tabatin un interceptacion di 3.5 tonelada. E tripulacion di e barco bou di bandera Camerun, a keda deteni y a keda trata den corte na Aruba. A sigui investigacionan na Croatia, Italia, Montenegro, Hulanda, Portugal, Serbia, Slovenia y Spaña. Den e investigacion ey, tabatin interceptacion di cocaina na Aruba, Costa di Marfil, Portugal y Spaña. Tabata dia 27 di juli ultimo cu agentenan a haci 37 entrada hudicial  y a detene 12  sospechoso y tambe holoshi caro, carchi di banco, documento, arma y municion, un  auto y un speedboat y placa cash.