Merca: Aruba no ta cumpli completamente cu lucha contra traficacion di hende

ORANJESTAD – “ Gobierno di Aruba no ta cumpli completamente cu e standard minimo pa elimina traficacion di hende, pero ta haciendo esfuerso significante si”. Asina e rapport recien publica e luna aki pa e Trafficking in Persons (TIP) Report di July 2022. Esaki ta un rapport cu Gobiero Mericano ta saca riba e tema menciona y ta ‘rank’ paisnan mundialmente riba e tema y ta cualifica nan finalmente cu e nota di ‘Tier’. Tier1 ta mas halto, pero Aruba ta logra ‘solamente’ Tier 2 atrobe pa di tres aña sigui. Jeanette Richardson Baars, Coordinador nacional contra trafficacion y contrabanda di hende pa Aruba, den su prome reaccion pa noticacla tabata uno di desapunto. “Mi ta hopi desapunta y mi no ta di acuerdo cu e ranking. Un reaccion mas amplio lo sigui despues” Richardson a sigui bisa.

ESFUERSONAN DI ARUBA

Ora cu Gobierno Mericano papia di e esfuersonan significante cu Aruba ta haciendo, nan ta referi na e hecho cu Aruba ta identificando mas victimanan potencial, investigando mas caso, y produciendo un pelicula pa crea concientisacion, ilustrando e vulnerabilidad di migrantenan indocumenta na traficacion.  Sinembargo, Merca ta sigui bisa den e rapport, gobierno di Aruba no a demonstra un esfuerso general pa aumenta, compara cu e periodo anterior, asina e rapport ta sigui bisa. Segun e rapport, no a haci hasta considerando e impacto di e pandemia di Covid19. “Gobierno no a persigui of sentencia traficantenan pa e di tres aña, y oficialnan tin biaha a depende di victimanan pa identifia nan mes, limitando nan abilidad pa tene traficantenan responsabel via persecucion criminal”. Por lesa e rapport completo AKI.