JetBlue a trece mas turista for di Merca pa Aruba te awor den 2022

ORANJESTAD – E aeroliña Mericano JetBlue a trece mas turista for di Merca pa Aruba te awor den 2022, segun e oficina di turismo di Aruba, ATA. Segun e oficina, Si compara e diferente mercadonan por nota cu na 2019, 80.6% bishitante den e prome 6 lunanan tawata procedente di Norte America. Na 2022 e cifra aki ta 83.3%. E aerolinea cu a trece mas bishitante pa Aruba for di e mercado aki na 2022 ta Jetblue, cu un crecemento di 19.4% den comparacion cu 2019. 

Den e prome 6 lunanan di 2022, 7.6% di bishitante tawata procedente di Europa. Den e mesun periodo aki di 2019 esaki tawata 7.5%. E aerolinea cu a trece mas bishitante pa Aruba for di e mercado aki na 2022 ta KLM, cu un crecemento di 32.2% den comparacion cu 2019. 

E mercado di Sur America tawata responsable pa 9.6% di e bishitantenan den e prome 6 lunanan di 2019. Durante e prome 6 lunanan di 2022 esaki a bira 6.8%. E aerolinea cu a trece mas bishitante pa Aruba for di e mercado aki na 2022 ta Avianca, cu un reduccion di 42.5% den comparacion cu 2019. 

Por lo general por mira cu Merca ta gana tereno den representación di unda hende ta bishita, Europa ta keda stabil y Latino America a inicia su recuperacion mas despues y por nota esaki den % di representación. Tur esaki ora compara prome mita di 2022 versus 2019.