Oduber: Aruba no ta interesa awor pa ta anfitrion certamen Miss Universo

ORANJESTAD – Aruba actualmente no ta interesa pa ta anfitrion pa e certamen di Miss Universo. Asina minister di turismo Dangui Oduber a bisa noticiacla dialuna mainta. E portal a acerca e mandatario riba e tema, mirando cu e organisacion ta buscando un pais anfitrion nobo, ya cu Republica Dominicano a bula afo pa organisa e evento e aña aki, esta 2022 aki 6 luna. Den pasado Aruba a wordo acerca caba, pero e tempo ey e mandatario di turismo di turno, Tico Croes a rechasa esaki, mirando cu e tabata 2 miyon dollar cu Aruba no tabatin pa inverti. No ta conoci si a haci Aruba a peticion oficialmente ainda. 

PRIORIDAD

Den e caso actuakl, segun e mandatario di turismo, “ E posicion (di Aruba:red) ta cu A.T.A. no ta kere cu esaki ta carga prioridad na e momentonan aki, ora cu puntra kico ta mihor manera pa promove Aruba” e mandatario a cuminsa na bisa. “ E ta un inversion hopi grandi pa por cumpli cu ne na e momentonan aki”e mandatario a sigui bisa. Manera a indica caba, e certamen ta costa miyones pa organisa y no ta kere cu e isla por haci esaki. 

ARUBA

E ultimo biaha cu Aruba a wordo pidi y tene cuenta cu ne, ta ora cu Taryn Mansell na 1996 a sali prome finalista di e certamen. Pero Aruba (manera raporta caba) a rechasa e peticion pa cual e rechaso lo a laga un sabor amargo cu e doño di e frankisia e tempo ey, ex presidente Mericano Donald Trump. Ora cu Trump a bira presidente, e la bende e franchisia.