Consulta comun no a logra nada concreto! Lo sigui papia cu otro

ORANJESTAD – Aparte di cu e tres islanan Aruba, Corsou y St Maarten a haya un scenario comun con nan kier sigui e negosacionan cu Hulanda riba e reformanan pa cu COHO, no por papia realmente di un logro concreto durante e consulta comun entre e 4 paisnan di Reino Hulandes e fin di siman aki. E islanan ta contento cu loke nan ta yama nan logro, pero tabata hopi superficial riba nan contesta. St Maarten a admiti cu nan a spera di a logra mas, pero e otro islanan tabata satisfecho. Ora cu a puntra e mandatario Hulandes kico e scenario tabata cu a logra, cu tin cu convence Hulanda ainda, e mandatario a bisa cu esaki no ta alcaso aworaki. Esey ta nifica cu lo keda den aire kico a logra. Tur e mandatarionan a palabra nan contestanan delanta y ta mustra cu pa augustus mester tin e siguiente encuentro unda cu aki si decisionan grandi lo mester cay, compara cu awe.