CAFt ta reuni ‘cara cara’cu Gobierno di Aruba diahuebs awor

ORANJESTAD – CAFt ta reuni ‘cara cara’cu Gobierno di Aruba diahuebs awor. Esaki ta bira un reunion interesante, unda cu Gobierno ta haya chens (un biaha mas) pa splica CAFt di nan asuntonan financiero, personalmente. E ta interesante mirando cu net diabierna awor ta e ultimatum cu CAFt a dun gobierno pa  contesta e colegio di supervision financiero CAFt riba asuntonan presupuestario, diabierna tambe gobierno lo topa e colegio personalmente, durante nan bishita pa nos isla. 

AANWIJZING TA COLGA RIBA CABEZ DI ARUBA

Loke a hala atencion e biaha aki atrobe, ta e hecho cu CAFt a splica den nan carta cu si ‘ainda gobierno para ariba cu no ta haci cambionan manera sugeri y cu e presupuesto consecuentemente ta keda igual’, lo tin cu raporta bek na RMR cu un conseho pa un aanwijzing, osea un ‘instruccion’. E pregunta ta si sea den e carta di contestacion y/of e encuentro personal diabierna, Gobierno ta logra convence e colegio, cu nan ta haciendo lo corecto, y cu no ta necesario pa Aruba haya un instruccion di Hulanda. 

BISHITA VAN HUFFELENGobierno di Aruba mientrastanto tin speransa cu e bishita di e mandatario Hulandes, Alexandra van Huffelen e weekend y awe, lo por ‘suavisa’ e tono di CAFt y cu Aruba por convence Hulanda cu CAFt ta exagera y/of cu no ta necesario pa RMR pensa mes pa Aruba haya un instruccion pasobra Aruba ta cumpliendo manera cu Gobierno di Aruba a bin ta bisa semper.