Hefe di polis di Paris ta admiti fayo cu final di Champions League

PARIS – E departamento di seguridad Frances a faya cu actuacion rond di e final di Champions League na Paris fin di luna pasa. E hefe di polis di Paris, Lallement, a confirma esaki dilanti un comision di investigacion den senado Frances. E final a cuminsa casi mei ora mucho laat, debi na e caos den e ciudad. Miles di hende a purba drenta sin carchi, of cu un carchi falso y algun a purba di bula cura. Como tal esnan cu si tabatin carchi, no por a drenta. Nan a wordo atendi cu pepperspray y gas lagrimogino.