Edicion # 20 di Soul Beach Music Festival ta tras di lomba

ORANJESTAD – E di 20 edicion di Soul Beach Music Festival ta tras di lomba y organisadornan por mira atras riba un exito grandi. Sigur si mira e cantidad di persona cu a bin, despues di un pandemia asina reciente. Cuminsando (manera cu e portal aki a raporta anteriormente den fin di siman) cu e Comedy Night diabierna unda cu tabatin algo mas di 2000 persona presente. E siguiente anochinan unda cu e streanan principal Mary J. Blidge y The New Edition tabata e streanan, cu artistanan Ari Lennox y Kevin Ross como sosten, no a decepciona. Ta dos aña cu no a mira concierto, no a mira aglomeracion asina grandi di hende hunto, cu a pone cu esaki tabata sigur un bista bunita.