WILLEMSTAD - E proseso di digitalisashon den enseñansa ta unu ku a tarda bastante. E ta un proyekto ku a start kuné for di aña 2013 i despues a sigui kuné na 2015. Mas aleu na yanüari 2018 Ministerio di Finansa a pone kondishonnan, aunke na fin di e mesun aña e ministerio a desaprobá e proyekto aki. Despues na 2019 a buska un eksperto ku lo por a duna su sosten na e proyekto aki. Asina via di e konsultent Ernst & Young i tambe BTP&U a logra haña e ekspertisio pa por a kuminsá ku e proyekto. Seguidamente na mart 2020 a stipulá e krusada pa yega na digitalisashon, i asina na ougùstùs 2020 a lanta e grupo piloto enkargá ku e trayekto di digitalisashon, i finalmente na mart 2021 a aprobá e promé fase dje trayekto di digitalisashon. Asina Minister di OWCS, sr. Sithree van Heydoorn a trese dilanti den su kontestanan durante e reunion di komishon sentral ayera mainta pa trata e tópiko di digitalisashon di enseñansa.
Mas aleu el a splika ku n’e momentunan aki e proyekto ta wantá un ratu pa motibu ku tin di trata e presupuesto supletorio pa por disponé dje finansanan pa por kontinuá ku e proyekto.
Naturalmente pa un proyekto manera esaki skolnan lo mester di internèt. E minister a splika ku n’e momentunan aki skolnan ta disponé di internèt di Digicel, kual a ser fasilitá dor di e ministerio. Pero pa por komprondé e kosnan mas mihó, Flow ta un kompania di Digicel. Pa loke ta e pago dje kompania Digicel, segun e minister ta pagando e kompania un suma di akuerdo ku e loke nan a ofresé den e destaho ku a tuma lugá den pasado, ku ta alrededor di fl. 100.000.-. Den kaso di Flow si esaki ta kobra skolnan dirèkt.
Tambe e mandatario a duna kontestanan riba e dispositivonan ku ta ser fasilitá pa uso di internèt. No tin kostonan adishonal na esaki, aunke hopi dje dispositivonan aki ta bai pa muchanan di famianan ménos pudiente ku no tin e fasilidat di internèt na kas òf na un preis redusí.
Pa loke a e envolvimentu di direktivanan di skol den e trayekto di digitalisashon, e minister a splika ku tur direktiva di skol tin un representashon den e grupo di trabou ministerial. Tur skol supsidiá aktivo na Kòrsou lo bai forma parti di e programa. Tin skolnan kaminda e sistema no ta optimal, tin retraso den mantenshon. Tambe tin e situashon kaminda lo tin di integrá sierto skolnan pa motibu ku no tin sufisiente alumno.
N’e momentunan aki tur skol tin internèt pa e parti atministrativo, pero tin un 60% dje skolnan aki unda internèt no ta yega den lokalnan. Pero e intenshon di gobièrnu ta pa promé ku fin di aña tur skol por konta ku internèt te den tur lokalidat. Loke ta e opstákulo ta e fondonan, i ta hasiendo sierto ehersisio pa por disponé dje fondonan, i e minister ta optimista ku pa e tempu ei a yega na fondo. NOTA: E texto ta scirbi den Papiamento fonetico di Corsou.
WILLEMSTAD - Minister di enseñansa sr. Sithree van Heydoonr a manda karta pa parlamento kaminda e ta pidi un reunion di komishon sentral pa por deliberá riba periodo di kalor na skol.
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.