Ex minister Oduber ta recobra libertad bek pero OM kier apela esaki

Ex minister Oduber ta recobra libertad bek pero OM kier apela esaki

Posted on 05/20/2022 2:28 pm AST | Updated on 05/20/2022 2:32 pm AST

ORANJESTAD – Ex minister Otmar Oduber ta recobra su libertad awe atrobe, despues di tabata deteni pa 10 dia pa e caso penal Flamingo. Ann Angela, vocero di Ministerio Publico a confirma esaki diabierna pa noticiacla. Di otro banda, Minsterio Publico tabata kier otro y a pidi pa prolonga e detencion awe cu 8 dia mas pero Hues Comisario a dicidi otro. “OM ta considera apela e decision aki” Angela a sigui bisa.  

E DETENCION

Tabata diamars mainta 10 di mei ultimo cu e ex mandatario  a keda deteni, como sospechoso principal den e caso riba cargo di estafa y soborno. Dia 17 di mei, prome cu su fecha di posibel prolongacion tuma lugar, a traslade pa KIA pa motibo di salud, segun OM. Na 2020 a haci entrada hudicial na su cas, relaciona cu asunto di tereno di gobierno otorga ilegalmente den forma di erfpacht. Recientemente a detene su yiu homber J. Oduber tambe, y prome cu esey su ex coordinador A. Esser y tambe amigo H. Croes.

 

  • Claudius Phillips ta gana caso contra Daury Rodriguez, cu tin cu rectifica awor!

    Claudius Phillips ta gana caso contra Daury Rodriguez, cu tin cu rectifica awor!

    ORANJESTAD – E ciudadano Daury Rodriguez tin 24 ora pa rectifica su declaracion difamatorio contra e musico Claudius Phillips, of ta haye ta paga un multa di 500 florin pa dia of parti di e dia te na un maximo di 25 mil florin. Esey tabata e sentencia cu Corte a dicta diaranson den e caso cu e musico a entama pa drecha su nomber relaciona cu un Facebook post contra dje. Den e post, Rodriguez ta tilda Phillips di ta un pedofiel, den cuadro di e hecho cu Phillips lo a wordo homenagea luna pasa como un musico di San Nicolas. Ta riba e post ey, Rodriguez a reacciona pa cual Phillips a dicidi di hibe corte finalmente. Finalmente pasobra e la duna Rodriguez chens pa rectifica caba, pero e ultimo aki a reta Phillips pa hib’e corte. 

  • OM: Polis lo intensiva proceso ora di posesion di arma di candela illegal

    OM: Polis lo intensiva proceso ora di posesion di arma di candela illegal

    ORANJESTAD - Ministerio Publico y Cuerpo Policial di Aruba ta informa cu polis lo intensiva e manera di procede ora di posesion di arma di candela ilegal den e tempo venidero y na varios sitio na nos isla. Esaki relaciona cu e aumento di e cantidad di incidente di arma di candela na Aruba. 

  • Corte: Mester conecta coriente bek pa Reflections Beach Bar and Restaurant

    Corte: Mester conecta coriente bek pa Reflections Beach Bar and Restaurant

    ORANJESTAD – E compania Navarra Properties NV tin 48 ora pa reestablece e coneccion di coriente pa e negoshi Dontom Horeca NV miho conoci como Reflections Beach Bar and Restaurant na Surfside. Asina Corte a dicta diaranson den un setencia adelanta. Mientras cu e disputa entre e compania cu ta opera e negoshi y e compania cu ta doño di e tereno ta andando, Corte a dicta cu e e compania cu a corta e coriente algun siman atras di e restaurant, mester pone esaki bek y cu gobierno (pais Aruba cu ta doño di e tereno) mester permiti Elmar pa conecta esaki. A impone un multa tambe pa tanto gobierno como e compania cu a laga kita e coriente, si nan no cumpli cu esaki. 

  • Hof ta impone pa kita sumanan grandi for di criminalnan di droga

    Hof ta impone pa kita sumanan grandi for di criminalnan di droga

    ORANJESTAD - Ayera Corte Superior di Husticia a dicta den dos caso di ontneming contra cuatro persona, kendenan un tempo pasa a wordo condena relaciona cu participacion na dos organizacion criminal di traficacion di droga.

  • PG: Tin instruccion nobo pa procedimiento penal ora di delitonan sexual

    PG: Tin instruccion nobo pa procedimiento penal ora di delitonan sexual

    ORANJESTAD - Procurador-general di Aruba a saca dos instruccion (richtlijn) nobo recientemente. Instruccionnan ta encera reglanan pa investigacion y persecucion di hechonan castigable. 

  • Huez ta declara dos persona liber di falsifica documento pa transporte di bara di oro

    Huez ta declara dos persona liber di falsifica documento pa transporte di bara di oro

    ORANJESTAD – Casi 5 aña despues cu e caso a tuma lugar, dos persona sospecha di falsificacion di documento y labamento di placa den caso di transporte di baranan di oro pa Dubai via Aruba cu a haya e nomber Alpina, a keda declara liber pa huez. Ta trata di e personanan J.C. Toro Rodriguez y R.A. Gonzalez Zambrano, cu a lucha largo pa por a presenta nan Inocencia. Segun e trahado di e compania Rodriguez, semper a trata e proceso di transportacion asina di mesun forma, y diripente e transporte di 52 barra di oro, balora na 2 miyon dollar, tabata mustra sospecho pa cual a detene e personanan aki. Huez a mustra cu no por a prueba cu e dos personanan aki a actua di forma illegal, pa cual a kita e cargonan y declara nan liber. Awor ta keda e proceso pa nan haya aceso bek na e baranan, ya cu esaki ta un otro asunto. Declara e dos personanan liber ta un cos, pero awor mester prueba cu e baranan di oro enberdad ta pertenece na nan, pa cual mester cuminsa un otro proceso dificil pa logra convence huez. Como tal huez awor no por a debolbe nan e baranan, aunke cu nan ta liber. Click AKI pa e sentencia di Zambrano y AKI pa e sentencia di Rodriguez. 

  • Powered by SETAR