Aruba Airport Authority N.V. ta mira recuperacion den 2021

Aruba Airport Authority N.V. ta mira recuperacion den 2021

Posted on 05/11/2022 6:21 pm AST | Updated on 05/11/2022 6:23 pm AST

ORANJESTAD – Dia 29 di April 2022 Aruba Airport Authority N.V. (AAA) su “Board of Supervisory Directors” y Accionista (Pais Aruba), den presencia di maneho y auditor financiero externo a aproba y adopta AAA su Reporte Anual 2021, incluyendo e statementnan financiero. 

E recuperacion di trafico aereo y consecuentemente e cantidad di pasahero cu a wordo atendi na Aeropuerto Internacional Reina Beatrix (AUA Airport) tabata mas fuerte cu a premira inicialmente pa 2021. E prome kwartaal a mustra un recuperacion hopi lento saliendo for di 2020, pero diripente a mustra un recuperacion fuerte pa e resto di 2021. Compara cu 2020 e cantidad di pasahero a aumenta cu 103% pa un total di 1,842,864 pasahero cu ta nifica un recuperacion di 69% compara cu 2019 (pre-pandemia). E recuperacion a resulta den 28 destinacion regular door di 25 aerolinea den 2021. 

Joost Meijs, CEO di AAA: “Nos vision redifini y strategia lo duna nos e guia siguiendo pa dilanti y ta maximaliza nos balor agrega na un economia sostenibel y e comunidad di Aruba. Mi ta extende palabranan di gratitud inmenso na nos empleadonan di AAA y e comunidad completo di aeropuerto cu a contribui na e resultadonan alcansa durante e ultimo añanan desafiante: e aerolineanan, e pasaheronan, nos business partners, representante di e autoridadnan, e Board of Supervisory Directors, nos accionista, y principalmente nos empleadonan.”

Pa un resumen di e Reporte Annual 2021 bishita https://www.airportaruba.com/press-releases

  • Corte a extende surseance van betaling pa Serlimar!

    Corte a extende surseance van betaling pa Serlimar!

    ORANJESTAD – Hues a duna Serlimar Sui Generis mas bida, recientemente, allargando e actual surseance van betaling definitivo te otro aña augustus, esta 2023. Asina hues a dicta dia 12 di mei ultimo den corte. Esaki kier men cu e compania ta ked na bida, y por lo pronto, por sigui traha riba su plan di recuperacion, sin problema di mester haya menasa di peticion pa bancarota pa creditornan. E sentencia aki no ta un sorpresa si mira cu recientemente durante un reunion, mayoria di creditornan a informa cu nan ta na fabor pa extende e surseance van betaling. 

  • WEB satisfecho cu prome pruebanan di planta RECIP IV

    WEB satisfecho cu prome pruebanan di planta RECIP IV

    ORANJESTAD – E compania di utilidad WEB ta satisfecho cu prome pruebanan di planta di RECIP IV. Asina nan a informa e siman aki. Nan a raporta cu e  e testnan cu a tuma lugar riba planta RECIP IV den siman di 9 pa 15 di mei na WEB, a bay segun plan y sin ningun interupcion! A haci diferente test riba diesel (LFO) pa cada set di motor conhunto cu e sistemanan auxiliar. E siguiente testnan ta planea pa tuma lugar entre 17 y 22 di mei. E testnan aki lo tuma lugar riba e sistema di Heavy Fuel Oil (HFO).

  • Mas di 5 mil turista a yega Aruba awe riba Allure of the Seas

    Mas di 5 mil turista a yega Aruba awe riba Allure of the Seas

    ORANJESTAD – Diaranson un biaha mas Aruba a ricibi Allure of the Seas, cu ta e barco crusero di mas grandi den historia cu a yega di nabega pa Aruba Ports Authirity (APA) N.V. 

  • Prome discusion publico riba economia circular a inicia awe

    Prome discusion publico riba economia circular a inicia awe

    ORANJESTAD – E prome   evento di varios discurso publico cu lo bai tuma luga riba e topico di economia circular a inicia awe. E discursonan lo sirbi e meta di comunica informacion y intercambia idea riba e implementacion di maneho, pa asina hiba e economia di Aruba den e rumbo sostenibel. Esaki segun e minister di Economia Geoffrey Wever. 

  • E di cinco E-Aruba business seminar ta cla pa tuma lugar

     E di cinco E-Aruba business seminar ta cla pa tuma lugar

    ORANJESTAD - E di 5 E-Aruba business seminar ta cla pa tuma lugar. Recientemente e organisadornan a presenta e fecha y detaye di e seminario aki. Esaki lo tuma luga dia 11 di juni 2022 den Renaissance Convention Center.  E E-Aruba Business Seminar ta un seminario di mitar dia unda varios  profesional di Merca y Europa ta bin Aruba pa asina papia riba diferente topico. Mayoria biaha riba topico cu tin di haber cu mercadeo (social) y transformacion digital.

  • Impacto economico di industria di Vacation Rental na Aruba balora na casi 1 biyon florin

    Impacto economico di industria di Vacation Rental na Aruba balora na casi 1 biyon florin

    ORANJESTAD - Diaranson ultimo a tuma luga un summit organisa pa VRPA unda cu a desvela resultado di un estudio encuanto e impacto economico y di empleo di e industria di Vacation Rental pa Aruba. E estudio aki a wordo conduci pa e compania TXP for di Austin Texas, cu ta specialisa pa conduci analisisnan economico y strategia pa cu ‘public policy’. E economista renombra internacionalmente, Jon Hockenyos a encabesa e estudio aki den luna di April 2022 y a desvela informacionnan interesante pa cu e industria di Vacation Rentals na Aruba. VRPA conhuntamente cu Aruba Tourism Authority y AHATA a financia e estudio pa asina obtene un miho bista riba e situacion actual di e industria. 

  • Powered by SETAR