Trahadonan di Diamonds International a bay den accion

Trahadonan di Diamonds International a bay den accion

Posted on 05/11/2022 8:48 am AST | Updated on 05/11/2022 8:51 am AST

ORANJESTAD – Un total di 19 trahado di e negoshi conoci di e.o.hoyas, Diamonds International, a dicidi di pone trabou abou diaranson mainta, pa protesta e forma con e compania ta tratando varios asunto laboral manera abuso, maltrato discriminacion na trabou y mas. Mirando con cos tabata bayendo, e trahadonan a afilia na e sindicato, y awor a yega e momento pa pone trabou abou ya cu e doñonan lo no ta respetando nan situacion laboral. A keda di reuni cu e doñonan den curso di awe mainta y no ta descarta cu e trahadonan lo por intensifica nan accion. A sigura cu mientras cu no haya garantia di cambio, nan no ta reanuda trabou. 

  • Pandemia tabatin su debido efecto riba e cifras di AZV den 2021

    Pandemia tabatin su debido efecto riba e cifras di AZV den 2021

    ORANJESTAD – E impacto di e pandemia e ultimo aña sigur tabata grandi riba AZV. Asina director Edwin Jacobs a confirma segun cifranan presenta diahuebs mainta publicamente.  A duna un bista tambe di e entradanan ricibi. Entre nan e entrada na e prima y e impuesto, cu hunto tabata bon pa 40,3 miyon osea un aumento di 10.3% compara cu e presupuesto y un caida compara cu 2020 cu 63.1 miyon osea 17.2%. E gastonan di cuido a cay cu 19.3 miyon osea 4.1% compara cu e presupuesto y compara cu 2020, cu 1.2 miyon osea 0.3%. Gastonan administrativo , incluyendo entrada di interes, a cay cu 1.5 miyon osea 8.3% compara cu e presupuesto y 1.7 miyon compara cu 2020, osea 9%. 

  • AZV tin reto grandi pa yena vacatura pa dokter di cas

    AZV tin reto grandi pa yena vacatura pa dokter di cas

    ORANJESTAD – AZV tin reto grandi pa yena vacatura pa dokter di cas. Asina director di e seguro medico general ir Edwin Jacobs a bisa diahuebs mainta durante su presentacion di cifras pa 2021 na prensa. “E ta keda un reto grandi, pero tambe pa logra haya dokternan basico, pa sigui e formacion di dokter di cas na Aruba mes” Jacobs a sigui bisa. Di otro banda, e la bisa cu e aña aki tin 4 dokter cu ta bay cuminsa cu e formacion pa bira dokter di cas. Potret cortesia Telearuba. 

  • Habitantenan disgusta cu huma causa pa quadracer na candela

    Habitantenan disgusta cu huma causa pa quadracer na candela

    SAN FUEGO – Awe mainta algun habitante di e area di San Fuego tabatin basta keho di huma, ora cu un quadracer di un compania di tur a pega candela. No ta conoci kico e motibo di e candela tabata ni si tabatin herido. Loke si tabata bisto tabata e  huma cu tabata bastante grandi, cu a causa e molester necesario pa e habitantenan cu tabata suplica cu te ki dia mester soporta daño di naturalesa, riba prosperidad economico. Unabez cu a recohe e vehiculo kima, por a mira e daño cu a keda atras

  • HAVA: Aruba tambe ta observa Dia Mundial di Dokter di Cas awe

    HAVA: Aruba tambe ta observa Dia Mundial di Dokter di Cas awe

    ORANJESTAD - Aruba tambe ta recorda Dia mundial di dokter di cas awe. E asosacion di dokter di cas, HAVA ta recorda cu e prome punto di contacto ora e pashent ta busca ayudo medico; Un dokter cu por atende e pashent sin mester tin un verwijsbrief  . E specialista cu sa e historia completo di su pashent, su famia y circumstancianan social.  Esaki ta é protagonista di cuido primario, e dokter di cas.

  • Cinco sindicato ta tene marcha silencioso como protesta otro siman

    Cinco sindicato ta tene marcha silencioso como protesta otro siman

    ORANJESTAD – Un total di 5 sindicato a anuncia un marcha silencioso, pa mustra gobierno cu nan ta fada y harta di e situacion actual. Ta trata di e sindicatonan SPA, SADA, SIMAR, SEPPA y OPPA. E marcha lo mester coincidi cu e bishita di e secretario di estado Hulandes Alexandra van Huffelen otro siman unda cu a compronde cu e intencion ta pa entregue un manifiesto. ‘Ban sali y demonstra cu nos ta cansa, nos desacuerdo, nos mal contento, y cu nos kier solucion”. E marcha lo inicia for di e ex tereno na DOW y marcha pa Bestuurskantoor otro siman diamars pa 3’or. NOTA. E potret ta di archivo di noticiacla di e marcha di december di aña pasa di e sindicatonan. 

  • Detenidonan na KIA awor tin mas acceso na les cu proyecto ‘Smart Class Room’

    Detenidonan na KIA awor tin mas acceso na les cu proyecto ‘Smart Class Room’

    ORANJESTAD - Diaranson mainta, durante un sesion virtual, KIA a lansa su proyecto nobo esta e “Smart Class Room” caminda nan lo bay ta brindando les y ta bay haci cuido den e mundo penitenciario mas accesibel pa tur e detenidonan. KIA a percura pa usa un parti di e jeugdafdeling cu no ta wordo usa frecuentemente, pa por duna e lesnan aki. E lokaal aki a wordo ekipa cu tecnologia moderno, pa di e forma aki por brinda les particularmente na nos hobennan, lesnan cu tin nan propio interes, pa nan por participa activamente tambe. 

  • Powered by SETAR