Consensus durante reunion di IPKO cu mester adapta e concepto actual di COHO

Consensus durante reunion di IPKO cu mester adapta e concepto actual di COHO

Posted on 05/9/2022 9:57 am AST | Updated on 05/9/2022 9:57 am AST

PHILLIPSBURG – Si e reunion siman pasa di IPKO na St Maarten siman pasa a habri cu un realidad cu no tabatin consensus riba e tema di COHO, e reunion a cera diabierna cu un consensus cu mester adapta e ley di COHO, prome cu por implementa esaki. Den e forma actual, simplemente e no ta acceptable, segun e participantenan di COHO. “E contenido di e ley di REino manera presenta na nos, ta na desventaha di e pueblo di Aruba” tabata declaracion di presidente di Parlamento di Aruba Edgard Vrolijk. Mas aleu, miembro di parlamento Shailiny Tromp-Lee a sigura cu e masterplan di Aruba, ta 80% den cumplimento cu e asina yama ‘landenpakket’. Parlamentario Marisol Lopez Tromp ta preocupa cu e speed cu e proceso di reforma ta tumando lugar. Pa loke ta Corsou, e presidente di Parlamento America Francisca a bisa cu Corsou no mester di COHO pa wak si e reformanan ta necesario y cu Corsou mes a pone plannan pa recuperacion di e isla. “Sin COHO, reforma ta bayendo bon caba”. Parlamentario Amerigo Thode ta sigura cu den e forma actual, e ley di COHO no por keda riba mesa. St Maarten no a fiha un posicion riba COHO ainda segun su presidente di Parlamento. E isla tin varios preocupacion pa cu e ley. E pome minister di e isla a laga sa cu e tin problema cu e presion cu ta pone riba nan pa e ley pasa. 

  • Parlamento Venezolano lo a forma grupo di amistad legislativa cu Hulanda pa cu reapertura di frontera

    Parlamento Venezolano lo a forma grupo di amistad legislativa cu Hulanda pa cu reapertura di frontera

    CARACAS – Asamblea Nacional di Venezuela a forma un grupo di amistad cu Hulanda, como un relevancia strategico den haci trabou pa e reapertura di e frontera cu islanan ABC. Asina e diputado Fernando Bastidas a informa e siman aki. Segun Bastidas, e relacion di hermandad cu tabata existi entre Venezuela y e islanan ABC, a wordo ‘kibra como consecuencia di e aggression cu a tuma lugar contra Venezuela’. Segun e politico, ‘afortunadamente durante e ultimo lunanan nos a mira portanan habri, y nos a cuminsa mira cambio’. Mientras cu tabatin presencia di funcionario di e canciyeria venezolano, e no a informa si tabatin personanan di autoridad hulandes presente. Manera ta conoci, luna pasa gobierno di Venezuela y Hulanda a revisa e cooperacion di frontera entre Venezuela y islanan ABC. 

  • Wingo ta aumenta 12% mas buelo for di Colombia incluyendo pa Aruba den 2023

    Wingo ta aumenta 12% mas buelo for di Colombia incluyendo pa Aruba den 2023

    BOGOTA – E aeroliña Colombiano Wingo a anuncia ampliacion di su itinerario te cu 28 di October 2023 (otro aña), unda cu a pone 1.3 miyon stoel extra disponible, cu ta inclui e ruta di Aruba tambe. Fuera di e ruta di Aruba, ta inclui tambe e ciudad diPanama, Guayaquil, Punta Cana, Santo Domingo, Cancun, La Havana y San Josede Costa Rica. No ta prome biaha si cu Wingo ta aumenta su capacidad pa Aruba desde cu e la cuminsa bula pa nos isla. 

  • E ekipo pa e hazaña di Deaxo Croes ‘Crossing for Prevention’ a yega Bonaire awe merdia

    E ekipo pa e hazaña di Deaxo Croes ‘Crossing for Prevention’ a yega Bonaire awe merdia

    KRALENDIJK – E ekipo completo di e evento Crossing for Prevention 2022 a yega Bonaire diaranson merdia despues di a cuminsa nan biahe riba boto for di Aruba, sigui pa Corsou finalisa finalmente na Bonaire unda e hazaña siguiente di e landado Deaxo Croes lo tuma lugar diasabra awor, 19 di November 2022./ Deaxo lo purba landa e distancia di 53 km di e costa west di Bonaire pa e costa oost di Corsou. E ta un evento pa crea concientisacion y genera sosten generoso financiero di comunidadnan pa tres diferente fundacion di cancer, cubriendo Aruba, Corsou y Bonaire.  

  • Mas di 100mm di awa a cay na Bonaire den un anochi creando molester serio!

    Mas di 100mm di awa a cay na Bonaire den un anochi creando molester serio!

    KRALENDIJK – Na Bonaire den un anochi pa marduga, riba 100 mm di awa a cay, creando un chaos riba gran parti di e isla. Varios servicio awe mainta a keda interumpi, ya cu no por a sea yega e sitionan of e tabata peligroso. Hospital Maridial mes a pidi pa no bin awe ya cu ta trata solamente emergencia y cosnan pues urgente. Tur cita regular a keda cancela pa proximo aviso.Potretnan ta cortesia di Live99FM di Bonaire y Aymed Ayubi. 

  • A.T.A. a nombra Director nobo pa mercado di Latino America

    A.T.A. a nombra Director nobo pa mercado  di Latino America

    BOGOTA - Recientemente a tuma lugar na Bogota, Colombia, e despedida di Miriam Dabian como Directora di Oficina di Turismo Aruba pa Latino America. Na mes momento a haci anuncio oficial di Jordan Schlipken- Croes kende lo ta e Director nobo pa dicho mercado.

  • Parlamento di St Maarten a baha su presidente cu mocion di desconfiansa

    Parlamento di St Maarten a baha su presidente cu mocion di desconfiansa

    PHILLIPSBURG – Parlamento di St Maarten a baha su presidente Grisha Heiliger Martin via un mocion di desconfiansa diahuebs cu 8 voto pro y 7 contra. Algun rato despues, Heyliger a entrega su retiro di e partido UP (The United People’s Party), cu su casa Theo Heyliger a funda na 2010 despues cu e la sali di e partido DP. E partido y algun otro, no tabata sostene su lider di fraccion mas y presidente y a haye un persona incapaz pa e funcion. Den un video, di cual Noticiacla a repasa e parti mas principal, Heyliger ta splica su motibo di retiro. Heyliger na November di 2021 a bira presidente di Parlamento despues di tabatin e funcion di vice presidente e aña anterior. 

  • Powered by SETAR