Na Corsou, compania di electricidad ta pidi bancarota di hospital SEHOS

WILLEMSTAD - E kompania di awa i elektrisidat, konosí komo Aqualectra, a disidí di bai korte ku Stichting St. Elisabeth, pues e fundashon bou di kual Hospital St. Elisabeth ta resortá, pa pidi esaki su bankarota teniendo kuenta ku esaki tin un debe astronómiko serka e kompania di utilidat sin ku esaki a ser likidá. Ayera Aqualectra a akudí na korte ku e petishon ariba menshoná. T’asina ku e último lunanan e fundashon no a kumpli ku pago na Aqualectra. Ta trata aki di un suma di 3.7 mion florin ku e fundashon klaramente ta rekonosé ku e tin. Por sierto, tampoko e ta nenga ku e debe aki lo por ser likidá. Ni e no ta ofresé pa drenta un areglo di pago serio riba un término korto, kual ta un promesa ku a ser hasí na hopi okashon pero ku nunka a ser kumplí kuné. Teniendo kuenta ku esei Aqualectra ta asumí ku e fundashon a stòp ku pago di su debe. NOTA: E articulo ta scirbi den Papiamento fonetico di Corsou.