Tanto Daphne Lejuez como Leonardo Figaroa a retira di ACCION21

ORANJESTAD – Tanto Leonardo Figaroa como Daphne Lejuez a entrega nan retiro di partido ACCION21. Lider di partido Miguel Mansur a confirma awe nochi pa Noticiacla.com cu ambos a entrega nan retiro awe tardi. Mientras cu el a bin como sorpresa dialuna anochi, e noticia cu a hala atencion tabata e anuncio di retiro di e hoben Leonardo Figaroa di partido ACCION21 riba su pagina di Facebook. E ta anuncia cu for di 8’or, e no ta forma parti mas di e partido.

PROBLEMA

Segun sr Figaroa, su motibo ta amplio, pero segun un carta cu e la post, tin di haber cu gañamento riba su persona y violacion di varios regla y statuto di e partido. No ta conoci ainda pakico sra Lejuez a retira (oficialmente) aunke tin informacion cu ta trata di posicion riba lista y drentamento di Parlamento proximamente. Sra Lejuez a logra 500 voto riba su nomber y sr Figaroa a logra 190 voto. Hunto pues 690 voto.