ORANJESTAD – Oficina di turismo di Aruba (ATA) tabata ocupa diamars mainta cu aeroliñanan Mericano segun e CEO Ronella TjinAsjoe-Croes a bisa noticiacla.com diamars mainta, relaciona cu e decision ehecutivo di Gobernador di New York dialuna, cu ta obliga tur ciudadano di e estado ey, pa bay den cuarentena ora cu nan bolbe di un pais nivel 2 of 3 pa loke ta COVID19. Aruba ta riba e lista aki, manera cu e portal aki a raporta caba, y e ta afecta nos grandemente. “Manera bo por imaginabo cu esaki tin un impacto no solamente riba Aruba y destinonan otro pero tambe e aeroliñanan, trip leaders, hopi business cu ta bin for di e mercado aki” TjinAsjoe a bisa. E hendenan cu e CEO ta menciona, lo tambe ta activando. “Nos tin cu compronde kico esaki kier men”. Mientrastanto AHATA y Minister di Turismo di Aruba tambe a reacciona di un mesun forma riba e tema fastioso aki.
KIER VERIFICA
Segun TjinAsjoe, kier verifica cu si e pasahero entrega un resultado di test negativo, algun ora prome cu e biahe, si esaki ta implica cu bo no tin cu bay den cuarentena. Esaki ta p.e. loke e estado di Massachusetts, ta haciendo cu ta un mercado clave pa Aruba tambe. Por compronde cu si esey tambe por conta pa New York, e situacion e ora lo no ta mesun grave.
MONITORIANDO
E CEO ta bisa tambe cu ta monitoriando tur e rednan social di bishitantenan cu ta puntrando riba e tema aki. “Esaki ta algo cu mas cu claro ATA lo tin atencion p’e tambe. “E tin un impacto sigur riba e grado di recuperacion cu nos a papia di dje ultimo dianan aki” TjinAsjoe a bisa.
ORANJESTAD - Den e prome kwartaal di 2024, por spera cifranan prometedor y solido pa turismo como e pilar di entrada primordial y di suma importancia pa economía di Aruba. Asina e oficina di turismo di Aruba ATA ta raporta diahuebs. A.T.A. ta pone hopi enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, Proteccion y Preservacion di Naturalesa & Medio Ambiente, y Contribucion Economico di e Sector Turistico’.
ORANJESTAD – Diahuebs 14 di maart, Minister di Turismo y Salud Publico Sr. Dangui Oduber a ricibi un invitacion pa bishita Aruba Boutique and Art Hotel cu lo habri nan porta dia 1 di April 2024. Un boutique hotel nobo den curason di Palm Beach cu lo forma parti como miembro di e marca Best Western Signature Collection.
ORANJESTAD – Diaranson mainta 27 di maart Prome Minister Evelyn Wever-Croes hunto cu colega Minister di Finansa Xiomara Maduro a biaha pa Corsou pa reunionan importante den cuadro di e tema di ENNIA.
MIAMI – E compania hotelero Four Seasons awor tambe ta sigui e trend di e compania Ritz-Carlton cu a inicia cu nan coleccion di yate luhoso estilo crucero. E compania a anuncia cu nan tambe ta drenta den e negoshi ey, di ‘espacio di crucero luhoso ultra chikito, cu su prome yate den construccion na Italia. E prome destinacionan ta conoci y ta pa Caribe, cuminsando na 2026. E temporada Caribense lo core di januari pa maart 2026 cu parada na St Barth, Nevis, the Grenadines, Saint Lucia, Barbados, Martinique, Curacao, Aruba y Guadeloupe. Cada bapor lo tin solamente 95 suites, cu ta 50% mas espacio pa persona cu cualkier otro crucero. Cada camber lo tin bentanan gigante di vloer te plafond, hopi vanidad den e bañonan y terras priva. Asina e presidente y CEO di Four Seasons Alejandro Reyna a sigura.
ORANJESTAD – CEO di Aruba Hotel & Tourism Association Tisa LaSorte, recientemente durante e programa Noticiacla LIVE a pidi pa hende na Aruba no bay protesta contra turista na Aruba riba e desaroyo di turismo. Den e video, e ta splica e peticion mas amplio.