Gobernador di New York ta anuncia medida cu ta devastador pa Aruba

NEW YORK – Aruba ta un di e paisnan cu ta riba e lista di paisnan unda cu COVID ta alarmante, cu ta pone cu esnan cu bishita e pais y bolbe New York, mester bay den cuarentena obligatorio pa 2 siman.  Gobernador di e estado ey, (New York)  Andrew Cuomo a anuncia e medida dialuna anochi, esta cu tur biahero cu yega New York di un pais considera nivel 2 y 3, ( di cual Aruba ta forma parti) lo mester bay den cuarentena obligatorio pa 14 dia y yena un formulario. Esaki ta un noticia devastador pa Aruba, ya cu Aruba ta un di e paisnan cu ta riba e lista aki. Bonaire, Saba y Statia ta e unico paisnan den Reino Hulandes cu no ta riba e lista di 31 pais cu ta exclui di e medida. E gobernador a firma e orden ehecutivo aki ayera nochi. Autoridadnan di turismo di Aruba a reacciona hopi preocupa riba e noticia aki (lesa articulo adhunto).