ORANJESTAD – Aruba a raporta dos caso positivo di COVID-19 dialuna oficialmente, aumentando e caso na 103. Asina prome minister di Aruba Evelyn Wever a confirma dialuna mainta durante conferencia di gobierno. Mes momento Wever a bisa cu, cu e casonan nobo aki no ta cambia e plan di gobierno pa habri frontera e siman aki (juli 1, 2020 pa Canada, Europa y Caribe cu excepcion di Haiti y Republica Dominicano). E dos casonan ta di personanan cu tabata den cuarentena y a bin for di Colombia dos siman pasa. Esey ta nifica cu nan a haye casi na final di e dos siman, mescos cu tabata e caso algun siman pasa na Corsou. Aki tambe, e personanan cu a bira positivo, a haye casi na final di nan situacion di cuarentena. Un di e personanan cu a test positivo, ta ‘bon di salud’, mientras cu e otro si mester di cuido medico. Awor ta cuminsa cu e asina yama 'contact tracing', y ta spera cu esaki cana su caminda tambe. Durante e press briefing pa COVID-19, lo tin mas informacion awe nochi.
ORANJESTAD – Conocido presentador di television Hulandes Yvon Jaspers a tende cu e ta un condecorado Real, ora cu e tabata na Aruba e siman aki. E la yega Aruba diahuebs, y a haya e yamada diabierna mainta. Pesey e no por a ricibi e premio personalmente. Tabata alcalde di Loenen aan de Vecht, di su premio, cu e la ricibi pa su trabou di television. E ta enfoca riba e bida di cunukeronan Hulandes entre otro.
ORANJESTAD - Diabierna 26 di april 2024 pa 7’or di mainta (ora local) a publica e edicion special di Staatscourant incluyendo un lista di e personanan na kende a otorga un Condecoracion Real e aña aki. Tradicionalmente e momento festivo aki, tambe conoci como Ocasion General, ta relaciona cu e cumpleaño di Su Mahestad, Rey Willem-Alexander, cu ta e Granmaestro di e condecoracionnan. Por otorga un condecoracion na personanan cu a duna un contribucion special na e sociedad.
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.