ORANJESTAD – E cifra di morto a consecuencia di coronavirus di nos isla ta wordo cuestiona pa e asocacion di specialista di Aruba VMSA (Vereniging van Medisch Specialisten op Aruba). Esaki nan ta haci mencion di dje den e rapport preliminar (cu a lek y cu noticiacla.com tin den su poder) riba e hecho cu nos solo y nos biento por proteha nos di e virus. Den e rapport, ta cuestiona cu si enberdad por papia di 2 morto (e momento ey, e di tres caso no tabata conoci ainda:red) relaciona cu COVID 19. Y nan ta duna un splicacion di esaki.
PAKICO NO TA MORTO DI COVID
Segun e rapport di VMSA, e prome pashent a keda interna na hospital cu multiple malesa ya den fase final, y cu su morto tabata anticipa caba, si no eminente, na e extremo cu un aviso pa no reanima a keda ordena caba. Y pa loke ta e morto number 2, segun VMSA, nunca no a haci un autopsia pa ‘prueba’ cu e tabata relaciona cu COVID-19.
ANUNCIO DI ARUBA
Mes momento, e portal aki a compronde cu tanto DVG como gobierno ta anuncia e mortonan como ‘relaciona cu COVID-19’, y cu esaki ta diferente na bisa cu el a muri ‘di’ COVID-19 of cu e causa di e morto, tabata COVID-19.
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.
ORANJESTAD – Parlamentario independiente Ryçond Santos Do Nascimento ta e invitado den e programa Noticiacla LIVE diamars anochi pa 9’or. Recientemente a cumpli un aña cu e parlamentario a distancia su mes di e partido berde AVP y a declara su mes independiente. Un aña despues ta toca temanan general y specifico cu e parlamentario. Un programa sigur interesante y al caso, cu periodista Tito Laclé. No perde!. Esaki riba tur Plataforma di Noticiacla, manera e Facebook page, website y e app.
ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.