Parlamento a aproba su presupuesto y baha salario cu 25%

ORANJESTAD – Parlamento di Aruba a aproba nan presupuesto 2020 diaranson anochi, y mes momento cu esaki a reduci nan salario cu 25% di awor te December 2020. E ultimo aki ta un amienda presenta pa partido AVP. Despues di dos dia di bay bin, a logra convence tur 4 partido pa sostene e amienda aki pa cual finalmente diaranson anochi por a fota pa esaki. Pa loke ta e suma reduci, mester bisa cu esaki ta inclui tambe e hecho cu nan a kita nan vakantie uitkering acumula di juli aña pasa pa mei di e aña aki (ekivalente na 8 1/3% di nan salario). Na tur esaki ta acumula na 535.600,= florin, y ademas tambe a reduci e post goederen en diensten cu 500.000,=. Na tur algo mas cu un miyon a keda reduci di e presupuesto di 14 miyon, pa asina esaki bay pa yuda cu e crisis di coronavirus. E votamento pa e amienda (entrega di salario) tabata cu 20 voto, mientras cu e votamento pa e presupuesto tabata unanime.Un parlamentario tabata ausente, cu ta parlamentario independiente Daphne Lejuez. Wak e amienda y presupuesto AKI.