Orario di Toque de Queda ta ‘suavisa’ entrante diamars

ORANJESTAD – E orario di e Toque de Queda pa Aruba ta cambia entrante diamars 28 di april 2020. Segun minister di Turismo Dangui Oduber, esaki lo bira un ora mas laat y lo termina un ora mas tempran. Esaki ta nifica cu e Toque de Queda ta cuminsa 10’or di anochi y ta termina 5’or di mainta e siguiente dia. E motibo ta cu kier cuminsa ‘suavisa’ e medidanan impone inicialmente. Ademas lo kier cera e negoshinan pa 9pm di anochi. Tur esaki den cuadro di e crisis di coronavirus COVID 19. Mester bisa cu desde a inicia e TDQ, no tabatin un anochi cu polis no a detene hendenan cu a desobede e medida. E cantidad mas grandi di detencion tabata 45 y esun mas chikito tabata 2.