Aruba ta haya parti di 16.5 miyon euro pa ayudo humanitario di Hulanda

DEN HAAG – Gobierno Hulandes a dicidi diabiena pa duna 16.5 miyon euro pa e islanan Aruba, Corsou y St Maarten y islanan BES como un pakete humanitario pa e gruponan den comunidad cu ta sufriendo debi na e crisis di coronavirus. Ta trata di ayudo cu mester bay pa p.e. pakete di cuminda y otro necesidadnan pa esnan cu a perde nan entrada. Esaki a ked anuncia diabierna mainta durante un conferencia di prensa di secretario di estado Hulandes Raymond Knops. No ta conoci con lo reparti e placa, pero esaki segun Knops, lo sosode segun esnan cu tin mas necesidad. Hulanda a haci esaki basa riba e necesidad cu a surgi riba e islanan riba e tereno aki. A mustra cu e instancianan envolvi ta haciendo un bon trabou y mester di mas placa pa esaki. A mira e imagenan di e situacion y basa riba esey a dicidi pa  duna e ayudo financiero aki. Esey ta diferente cu e ayudo cu a duna recientemente como prestamo. Riba futuro di esey, gobierno Hulandes lo dicidi proximamente den un otro reunion di RMR (Rijks Ministerraad). Wak e conferencia completo AKI.